أشاد الإعلامي سيف زاهر ، بالمتحدث الرسمي لنادي الزمالك ، احمد سالم، تزامناً مع حملة الهجوم ضده ، من جانب الإعلام الأحمر ، وزميله في نفس البرنامج الإعلامي أحمد شوبير.
أحمد سالم كان قد هاجم الهارب محمود كهربا لاعب الأهلي ، بعد استفزازاته لجمهور الزمالك ولاعبيه أثناء حديثه في البرامج التلفزيونية.
ليرد الإعلامي احمد شوبير ويهاجمه قائلا : اتعرف ما معنى الكلمة؟.. هقول كلام شوية هيزعل.. لما حد يبقى ليه دور ياخد باله من الكلمة.. يعني مينفعش حد يهدد.. حضرتك مش طالع عشان تهددني.. انت طالع عشان تتكلم عن انجازاتك أخطاءك سياستك رؤيتك خططك كل ده جميل.. وده اللي كنا بنتابعه وبنشوفه.
وأضاف: لكن طالع عشان تهددني ؟!.. جديدة شوية مشوفتهاش قبل كده، فيطلع بقى اللي انت بتتكلم عليه يقولك طيب أنا بقى هرفع قضية.. ناخد بالنا بس.. في ناس بتطلق نفسها العنان تتكلم زي ما هي عايزة.
ومن جانبه حرص سيف زاهر على الإشادة بمتحدث الزمالك أحمد سالم، تزامناً مع الهجوم ضده ومحاولات تحريف تصريحاته قائلا : لسه عند كلامي .
وأتم : ضربة معلم من إدارة الزمالك اختيار احمد سالم متحدث رسمي ، أحمد سالم شخصية محترمة ومهذب ، حتي لو اختلفنا أحيانا فدا طبيعي.
