“بنخسر بفعل فاعل ومش هنسكت”.. تصريحات نارية من عبد الواحد السيد بعد خسارة الزمالك أمام المصري – فيديو

علق الكابتن عبد الواحد السيد مدير الكرة في نادي الزمالك على الفضيحة التحكيمية التي شهدها مباراة الفارس الأبيض أمام المصري في بطولة الدوري المصري الممتاز.

وشهدت مباراة الزمالك والمصري واقعة غريبة وذلك بعد رفض الحكم أحمد الغندور احتساب هدف صحيح لصالح الفارس الأبيض خلال ركلة الجزاء التي سددها أحمد سيد زيزو في الدقيقة 70 من عمر اللقاء.

وقال ” عبد الحود” :” أنا كـ زمالك محتاج عدل، لما اخسر 4 مباريات ويكون الحكام جايين عليا بشكل كبير ده اللى يزعل الواحد”.

وأشار :” أنا عمرى ما اتكلمت على التحكيم لكن الموضوع زاد بطريقة مش طبيعية وفيه مجهود بيضيع وحرام، أنا شايف إن فيه ظلم علينا كتير”.

وأضاف ” عبد الحواد” في تصريحات لقناة ” أون تايم سبورتس” بعد نهاية اللقاء :” لازم يكون فيه موقف من مجلس الإدارة ضد اللى بيحصل معانا احنا خسرنا نقط كتير بسبب التحكيم”

وتابع :” ركلة جزاء فضيحة أي واحد شايف إنها دخلت كانت هتفرق كتير جدا وشاف اننا مظلومين الفترة الأخيرة لو مش عايزين الزمالك في الدوري شفلنا دوري تاني”.

وشدد ” عبد الواحد” :” لازم يكون فيه وقفة من مجلس إدارة نادي الزمالك، ومعنديش مشكلة أخسر فنيًا لكن اخسر بفعل فاعل دي الأزمة والمشكلة واللى بيحصل معانا مش طبيعي واحنا مش هنسكت”.

حيث سقط الفريق الأول لكرة القدم في نادي الزمالك في فخ الهزيمة أمام المصري البوسعيدي بهدفين مقابل هدف في المباراة التي جمعتهما على ملعب استاد برج العرب لحساب الجولة الـ26 من بطولة الدوري المصري.

شاهد: