تحدث إبراهيم حسن، مدير منتخب مصر، عن بعض الامور الهامه التي تخص الفراعنة وواقعة محمد صلاح نجم ليفربول ومنتخبنا الوطني مع حسام حسن.
وقال حسن في مداخله هاتفية ببرنامج “اللعيب”، عبر قناة “mbc مصر”:” بقول للناس، هدفنا الوصول لكأس العالم ونفرح ومنكسرش مجاديف بعض، في ناس كثير سعداء وعاوزينها توصل للجميع، كلنا مصلحة واحده، لا يوجد مباراة سهله وانت متصدر ومعك منتخبات محترمه ولديهم محترفين، خلاص مبقاش في فريق صغير، عاوزين مؤازره ونكون في ضهر بعض “.
وتابع:” احنا بنسنغرب ان اتقال صلاح كان طالع ورفض، ليه عاوزين يعملوا تريندات، في روح ولمه بين اللاعبين، صلاح محترم ومجمع اللاعبين وبنعتبره فرد في الجهاز لان عنده خبرات وحافظ وهو متعاون”.
وشدد حسن: “تعرض صلاح للضرب طول مباراة غينيا بيساو جعل حسام يفكر انه يريحه وينزل مصطفى فتحي، فحسام سأله انت كويس، قاله ايوه، وهو كان ضاغط عليهم كان في تفكير سريع ده المدرب الذكي اللي غير فكره وشاف انه مسبب لهم ضغط”.
وأكمل:” مين مدير فني فكره شغال طول الماتش وبيطور زي حسام، وبيعمل تغييرات جوه الملعب وده محدش واخد باله منه ولعب زيزو جناح”.
واشار مدير المنتخب: “في تناغم كبير بين حسام واللاعبين وطلبنا منهم يحافظوا علي نفسهم مع فرقهم وكلهم سعداء ومعنوياتهم مرتفعه”.
وواصل:” لو كان في عقوبه ضد امام كان هيشارك امام غينيا ببساو، لاعب الكره احيانا بيكون مش شايف، امام شعر باجهاد بالعضله الضامه وسألته عن اللي حصل، و نيته جميله ومكنش عارف انه عمل كده”.
واردف حسن: “بطمن الجماهير المنتنخب واللاعبين في حالة تناغم، الناس اللي مش عاوز تبقي معنا مش مشكله، احنا مش شايفين غير اننا نوصل كأس العالم وبطولة افريقيا”.
وزاد:” لم نتفاجئ بناصر ماهر لانه طالما موجود في المعسكر يبقى مهم، الروح الموجوده عاليه، وحسام بيحسسهم كلهم انهم اساسين حتي المستبعدين بيكونوا فرحانين، حسام موهوب في التدريب”.
واتم: “الناس قماصه في البرامج بسبب عدم موافقتنا على عمل مداخلات، لاننا احنا مبنحبش نتكلم ولانظهر كثير، فيحاربونا واحنا هدفنا واحد الوصول لكاس العالم، وعاوزين نرجع الجمهور للمدرجات وحاسين بالشارع المصري وعاوزين نفرحه”.
