تعليق صاعق من نجم الأهلي السابق على تصريحات أفشه المثيرة للجدل..” مينفعش الكلام ده لو يقصد إمام وكهربا”!! – فيديو
علق حسام عاشور، نجم الأهلي السابق، على تصريحات محمد مجدي أفشه لاعب الأحمر، المثيرة للجدل خلال ظهوره مع الإعلامي إبراهيم فايق.
وكان أفشه قد قال في برنامج “الكورة مع فايق” : أنا مظلوم من ناس كتيرة.. وبقينا ندور على الناس بتاعت اللقطات والشو والكلام عشان نديهم التريند، وفيه لاعيبه معانا مش بتلعب بس بتوع لقطه ومتسيط والجمهور قاطع عليه بس مش هيطول”.
قال مدحت شلبي في تصريحات ببرنامج “يامساء الانوار”، عبر قناة “mbc مصر”:” افشه قال الناس بتحب اللعيبه اللي تعمل شو وتركب التريندات، والناس على السوشيال ميديا ببقولوا يقصد امام عاشور وكهربا، تعليقك ياكابتن حسام”.
ورد حسام عاشور: “مينفعش افشه يقول الكلام ده، لوهو يقصد امام عاشور وكهربا، يشوف إمام عمل ايه في الماتش، الفريق كله بياخد السوكسيه مش لاعب معين وحتى الديفندر بيطلع كل اللي عنده”.
وتابع:” في فتره مروان عطيه كان بياخد رجل المباراة كل ماتش لانه بيجتهد ويستحق”.
وأختتم عاشور: “افشه قال كنت استحق رجل مباراة الزمالك واعطوها لاعب ثاني، في نهائي القرن رغم انه احرز الهدف لكن كان في لعيبه احسن منه، وتصريحه غير موفق”.
شاهد:
