تعليق مثير من أحمد مجاهد على أزمة الزمالك مع رابطة الأندية واتحاد الكرة !! – فيديو

أكد احمد مجاهد رئيس اتحاد الكرة السابق ، إن الجميع أخطأ في أزمة الزمالك ورابطة الأندية المصرية المحترفة .

وقال احمد مجاهد في تصريحات لبرنامج ملعب اون تايم المذاع عبر شاشة قناة اون تايم سبورتس الفضائية تقديم الإعلامي سيف زاهر : صاحب الخبرة لما يكون في مكان يتفادي المشكلة بدري ، الزمالك طلب طلبات مش ممكن في الوقت دا تتحقق.

وأشار : متمش التعامل مع الأزمة بشكل كويس ، وكمان خرجت خطابات لأكثر من جهة دا مكانش موفق.

وزاد : المشهد كله كان عبثي ، لو حد موجود من أصحاب الخبرة كان ممكن يتفادي المشكلة ، والجمهور هيحاول ياخد أي بطولة زي ما كنا زمان نقع في الشارع تقوم تقول ايه رأيك في الوقعة دي.

وشدد : إزاي الزمالك يطلب لجنة من برا الرابطة والإتحاد ، الإتنين منتخبين ، ووقت الإنتخابات ابقي اختار ناس تانيه.

واستطرد : الجدول طبعا فيه مشاكل كتير جدا، يكفي ان بيراميدز سابق ب6 ماتشات.

وواصل : مقدرش أقول إن الزمالك غلطان في طلباته لكن فيه بعض الطلبات متحفظ عليها، زي مثلا هاتلي لجنة من برا تدير.

وشدد : احمد دياب شريك في جدول الدوري الناس بتهاجم عامر حسين ليه ؟؟ هو أصلا مش في الرابطة.

وأضاف : موسم كورونا سبب رئيسي في المشاكل لكن مش هو السبب في كل المشاكل ، انا خلصت دوري بعد كوورونا 27 أغسطس رغم اني كنت بادئ في ديسمبر وكان فيه ارتباطات كتير قارية، وكان ممكن نصلح لكن دا محصلش .

وأتم : موسم استثنائي ؟ لو حد صاحب خبرة يقدر يعدي بالموسم.

شاهد الفيديو