دار نقاش حاد بين جمال عبد الحميد عضو مجلس إدارة الزمالك السابق، ومجدي عبد الغني لاعب الأهلي الأسبق، بسبب مجاملة المسئولين عن الكرة في مصر للأحمر على عكس ما مايحدث مع الفارس الأبيض.
وقال عبد الحميد في تصريحات تليفزيونية ببرنامج يامساء الأنوار عبر قناة “mbc مصر”:” الوضع شائك جدا، انت اتظلمت في اكثر من مباراة، وفي حكام بتيحي على الزمالك وخاصة حكام الڤار”
وتابع:” انا كنادي الزمالك طلبت 4 مطالب، اولا بيريرا لازم يمشي، ويحقق مع حكام مباراة المصري، ولكن بيريرا عند مع الزمالك وعين الغندور والبنا في دورة الترقي”.
وأضاف عبد الحميد: “المكالمة المسربه لكابتن حسين لبيب لابد من التحقيق مع من سربها، لكنه فيها طمنا ان بيريرا مشي وعامر حسين مشي، وفوجئنا انه عامر حسين لسه شغال هو وبيريرا، المفروض اقف وملعبش سيراميكا ومفيش مطالب اتحققت انت بتأخد موقف لاصلاح المنظومة الكرويه، ده الزمالك نصف مصر”.
وشدد:” احنا مش بنافس على الدوري، وايه يعني يتخصم 6 نقاط لكن بنصلح المنظومه”.
وتدخل مجدي عبد الغني قائلا:” المظلومية عندكم شديدة انت ظالمين نفسكم وبتكلموا على المظلومية دايما، ومفيش اثنين في مصر حد يقدر يجيي عليهم هما الزمالك واهلي، المفروض انت الزمالك متقفش على هدف متحبسش، انت قدام سيراميكا جبت هدف واثنين واربعه”.
ليرد جمال منفعلا: “انت بتقول ايه محمود عاشور غلط مع الاهلي مبيلعبش، لكن الزمالك لا وهتفضل نقول حاضر حاضر لحد ما “قال لفظ”.
واردف:” في لوائح مش بتطبق على الجميع، بتطبق بالمزاج لوفتحنا هنقول حاجات كثير، لما الاهلي انسحب من ماتش بيراميدز وقال لازم يتأجل الوزير المحترم راح زار رئيس النادي الأهلي، وأجلوا الماتش 4 شهور ومش اتفضحنا في الدنيا كلها، لما الزمالك قال هنسحب كان المفروض الوزير قعد مع حسين لبيب ونيجي نقول للرابطه حققوا لهم مطلبين ثلاثه”.
