جمال علام قال يخلص مني!! محمود عاشور يفتح النار على إتحاد الكرة ولجنة الحكام !! – فيديو

أكد الحكم الدولي محمود عاشور انه موقوف من إدارة مباريات الدوري المصري منذ فبراير الماضي بسبب خلافه مع البرتغالي بيريرا رئيس لجنة الحكام .

وقال محمود عاشور في تصريحات لبرنامج ملعب اون تايم المذاع عبر شاشة قناة اون تايم سبورتس الفضائية تقديم الإعلامي سيف زاهر : من فبراير ومش بشارك في الدوري المصري ومحدش بيتواصل معايا من اللجنة ، أول مكالمة كانت النهارده.

وشدد : انا اتكلمت مع وزير الرياضة من بدري ان الناس الأجانب الجداد مضفوش شئ للتحكيم، وبعدها اتوقفت، وجمال علام ساعدني اروح السعودية علشان أجهز للاولمبياد، واهو قال يخلص مني.

وزاد : بعدها رحت للسعودية ، والمكالمة الوحيدة اللي جاتلي بعد 3 شهور في السعودية ، إنهم عاوزين يحققوا معايا.

وأضاف : محدش بيسأل عني أصلا ولا حتي سيادة الوزير.

وشدد : بيريرا وكلاتينبرج رجعوا التحكيم المصري عشرين سنة للخلف ، كان عندنا حكام كتير موجودين في أفريقيا هو خلص عليهم.

وأتم  : أنا عندي إحباط كبير جدا، التجربة اثبتت فشلها بالنسبة للأجانب.

شاهد الفيديو