خالد الغندور يكشف فضيحة تهديد عامر حسين لرابطة الأندية حال رحيله !! – فيديو

أكد خالد الغندور ، ان عامر حسين رئيس لجنة المسابقات ، هدد مسئولي رابطة الأندية بالتحدث حال رحيله بعد اعتراض الزمالك على فساد المسابقات .

وقال خالد الغندور مقدم برنامج البريمو عبر شاشة قناة TEN :على اي أساس الزمالك هيلعب مباراة سيراميكا كليوباترا ؟ الزمالك قدم طلبات للرابطة ومتنفذتش لذلك ملعبش مباراة الأهلي ، ولحد دلوقتي متنفذش حاجه للزمالك يبقي إزاي هتلعب المباراة

وأشار : المشكلة دلوقتي إن الزمالك اظهر عداوه مع الرابطة واتحاد الكرة لانه كشف للناس فساد تنظيمهم ، الأول كانوا بيتحايلوا على الزمالك علشان ماتش الأهلي مهم وماتش قمة ، لكن خلاص الماتش عدي والتعامل هيتغير.

وأكد : كان فيه وعود في الكواليس قبل ماتش الاهلي ان عامر حسين وبيريرا يمشوا لكن دا محصلش.

وزاد : ما عملته إن عامر حسين قالهم لو عاوزين تمشوني هستقيل واطلع بقي أتكلم ، مش عارف بقي يتكلم على ايه.

واستمر : رابطة الأندية نفسها كانت بتتدخل تأجل ماتشات بخلاف تأجيلات عامر حسين ، مكانش هو لوحده اللى بيأجل.

وأتم : تاريخيا دايما الزمالك لما بينسحب محدش بيقوله حاجه ، لكن لما الأهلي يعمل كدا كله بيتدخل ويحل مشاكله علشان يلعب.

شاهد الفيديو