دونجا: عبدالله السعيد أعظم رقم 10 في تاريخ مصر .. ورسالة مؤثرة لـ شيكابالا بشأن اعتزاله – فيديو
تغنى نبيل عماد دونجا نجم وسط الفريق الأول لكرة القدم بقدرات عبدالله السعيد ومحمود عبد الرازق شيكابالا ثنائي الفارس الأبيض، موجهًا رسالة خاصة لـ “شيكابالا” بعد إعلان موعد اعتزاله.
وقال “دونجا” :” عبدالله السعيد هو أعظم رقم لاعب 10 جه في تاريخ مصر وبقوله انت في حتة تانية وإضافة كبيرة لنادي الزمالك وكل الجماهير والناس اللي بتفهم كورة بتحب عبدالله السعيد، وهو في حتة تانية خالصة”.
وأضاف ” دونجا” خلال استضافته في برنامج ” الماتش” على قناة ” أون تايم سبورتس 2 ” :” عبدالله أعظم لاعب 10 في السنين الأخيرة، وأوقات بينزل في نص الملعب شوية عشان نعرف نطلع بالكورة”.
وعن دور شيكابالا مع الزمالك ؟، أوضح ” دونجا” :” شيكابالا من الناس اللي سعت إني أجي نادي الزمالك، شيكابالا قائد عظيم كلنا بنحبه، و شيكابالا واحد من أعظم من اللي لمسوا الكرة في مصر”.
وعن اعتزال شيكابالا، رد ” دونجا” :” إن شاء الله شيكابالا مش هيعتزل واحنا هنتكلم معاه في النقطة دي، وهو بيتكلم مع الناس كلها ويساعدها وبقوله مش هعتزل أنت مكمل معانا و هنفضل نتفرج عليك انت تاريخ كبير في نادي الزمالك وكلنا نفتخر بيك”.
وكان محمود عبد الرازق شيكابالا قائد نادي الزمالك أعلن في وقت سابق أنه سوف يعتزل بنهاية الموسم القادم
شاهد:
