دونجا يفتح النار على أحد المحللين ويهدده بنشر فيديوهاته .. ويؤكد: “مؤذي وبيضحك على الناس” – فيديو
فتح نبيل عماد دونجا نجم وسط الفريق الأول لكرة القدم في نادي الزمالك النار على أحد محللي كرة القدم – دون ذكر اسمه- بسبب هجومه المستمر عليه رغم تألقه مع الزمالك خلال الفترة الماضية.
وقال ” دونجا” :” معنديش أزمة في النقد في الكورة بشكل عام، لكن عندي مشكلة مع حد بعينه بيطلع بيتكلم في أمور ملهاش علاقة بالكورة، مينفعش لما الناس كلها تكون شيفاني حلو تشفني انت وحش”.
وأشار :” هو بيقعد يضحك على الناس بالشغل اللى بيعمله، وبقوله اللى انت بتعمله مش صح أنت عندك ولاد وخلينا نقول إن الاحترام ده أصعب حاجة الواحد يعملها ومفيش أسهل من قلة الاحترام”.
وأضاف ” دونجا” خلال استضافته في برنامج “الهدف” على قناة “أون تايم سبورتس 2 ” :” الشخص ده مؤذي وبقوله انت ليه مؤذي كده هتستفاد ايه لما تأذني واكيد انت حد بعينه مكلمك عليا لأني مش مصدقك”.
وتابع :” بقول للشخص ده أنت في الكورة كنت لاعب جامد جدًا، لكن أنا عايزك تطلع تتكلم كورة بس، وانت قولت وأنا في بيراميدز إن دونجا أحسن نص ملعب في مصر، ولو قال مقلتش هنزله فيديوهات”.
وواصل ” دونجا” :” لكن أنا مش مركز معاه، أنا مش بحب ارد لكن هو مزودها بأذي وخلينا نتكلم مع بعض باحترام”.
وأختتم ” دونجا” :” أول ما تقال انى رايح الزمالك الموضوع اختلف، وأول مباراة ليا مع الزمالك، اخدت احسن لاعب في المباراة لقيته واحد ماسكني سلخ، طلع قعد يعمل الشويتين بتوعه ويقول كلام مش صح عليا”.
شاهد:
