رؤساء الأندية يحرجون شوبير على الهواء بعد استدراجهم للهجوم على الزمالك !! – فيديو

استعان الإعلامي الأهلاوي احمد شوبير بالثلاثي ايمن الشريعي رئيس إنبي ومصطفي الشامي رئيس بلدية المحلة ورجب عبدالقادر من أجل الهجوم على الزمالك بعد اعتراضه على فساد بطولة الدوري المصري الممتاز .

ومن جانبه قال الشريعي : في أزمة بالفعل ، من وجهة نظري يتم إعادة هيكلة رابطة الأندية التنفيذية ، احنا اللى بننتخب الرابطة لكن مش احنا اللى بنعين الناس.

وأشار : الكل بيحاسب على أخطائه ، الوحيد اللي مبيتحاسبش هم اللجان التنفيذية.

ومن جانبه قال رجب عبدالقادر نائب رئيس المصري : فيه مشاكل كبيرة في الحكام والأمر يحتاج مراجعة
عدم انتظام جدول مباريات الدوري دي مشكلة تانيه
مفيش حياديه في إدارة المنظومة.

وعاد الشريعي : الارتباك اللى موجود دلوقتي ناتج عن قلة الخبرة الإدارية.

وأضاف : العقوبة اللى نزلت على الزمالك إمبارح بتوقيع غرامة مالية على الزمالك ، اقولك مفاجأة الرابطة مش هتقدر توقع عقوبة على الزمالك لان اللائحة بتقول ان كان المبلغ يتحدد قبل بداية الموسم ومتمتش تحديد المبلغ.

وزاد : لازم نشوف حلول خارج الصندوق بحيث كل الأندية تقدر تنافس ، علشان نظبط الأداء لازم يكون فيه لائحة تظبط كل شئ.

واستمر : تلقيت خطاب في 4 ابريل إني هلعب بعد تلت أيام هلعب مع الأهلي دي محصلتش قبل كدا.

ليرد رجب عبدالقادر : المنظومة كلها مهرتله ، مين اللي بيحط اللائحة ؟ بيجيلك لائحة ويقولك هنبدأ الأسبوع الجاي ومفيش وقت.

وقال ايمن الشريعي بعد إعلان جدول المباريات :
الموضوع بايظ من الأول فهنكمله للاخر.

شاهد الفيديو