رد الإعلامي أحمد سالم، المتحدث الرسمي لنادي الزمالك، على الإتهامات الموجهه بالتحريض ضد الهارب محمود كهربا مهاجم الأهلي، وإبراهيم سعيد لاعب الاحمر السابق.
وقال سالم في تصريحات تليفزيونية عبر قناة “الشمس”:” اول لما تم تكليفي بمنصب المتحدث الاعلامي للزمالك، تلقيت نصيحه من احد الاصدقاء في الاعلام الرياضي وقالي انت داخل عش الدبابير، قلت له ليه انا شغال سياسه ودي في النهاية رياضه، هذا الشخص بعتلي ابتسامه اليوم”.
واضاف: “من 24 ساعه كل الجروبات واللايفات واحد الاعلاميين من منازلهم بيوزع الاتهامات، احد البرامج والاعلاميين والفيسبوك بيتهموني بالتحريض على القتل والضرب وبقيت خُط الصعيد، وبتحرض على ضرب كهربا والكلمه امانه تذكرت كلمة عادل امام قالوله”.
وتابع سالم:”قالوا احمد سالم هدد كهربا، طيب هاتولي كلمه واحده في الفيديوهات فيها تهديد، واستعنت باحد خبراء القانون وضحك لما سمع الكلام”.
واشار:” انا حكيت على واقعه ان احد المشجعين قالي انتم هتسكتوا على ابراهيم سعيد تحديدا اهو وبالاسماء، وقالي لوشوفت ابراهيم سعيد هعمل وهسوي حكيت الموقف ده، واتكلمت عن فكرة كهربا وشيكابالا، واخدت نموذج لافشه انه بيحترم الزمالك وجمهوره، وقولت استفزاز الجماهير غلط، وحذرت من الاستفزاز لان الجماهير فيها تنوع، لان في جماهير بتشتم وممكن واحد يحدفك بحاجه وحذرت من الاستفزاز”.
وواصل: “عاوز حد يڨولي فين التحريض والتهديد
مش في السياسه بيقولوا نحن نحذر هل ده تحذير ولا تهديد او اعلان حرب، بلاش كلمه قالوله اسمع بنفسك، وقولي فين التهديد اللي هترفع به عليه قضيه، وقلت بلاش نكرر مذبحه ستاد بورسعيد والدفاع الجوي، وقلت بلاش يكون في تعصب بين الجمهورين، حضرتك بتقول الكلمه امانه ممكن اقولك انا كمان قولت الكلمه امانة وحددلي كلمه فيها تهديد”.
واكمل سالم:” كابتن شوبير ايام ثورة يناير كان بيحذر من الالتراس هل كان تهديد، بيقولي المفروض دورك تقول الاخبار والانجازات للزمالك، لا انا من حقي اقول اللي عاوزه، ولما الاقي هجوم وبرامج تكسر في نجوم الفريق، انا دوري متحدث اعلامي اتكلم وادافع، انما كهربا دوره ايه في الدفاع عن امأم عاشور هل تم تعيينه متحدث اعلامي؟ “.
واستأنف:” انا دوري ادافع واتكلم عن الزمالك حضرتك متحددش اقول ايه وواجبات منصبي، ويشاء ربنا ان افشه يقول نفس تصريحاتي لما قال ان في لعيبه بتعيش علي اللقطه واتفق مع كلامي ان في لعيبه مركزه على السوشيال ميديا اكثر من الملعب”.
واختتم: “حضرتك لوانا عندي مشكله مع الاهلي زي مابتدعي هل اتكلمت على علي معلول رغم انه مؤثر اكثر من كهربا ومحقق بطولات كثير؟، في لعيبه كل تركيزها في الملعب، ده ليس حقد على كهربا انما دفاع عن شيكابالا والزمالك، اللي ييتعرض لهجوم مستمر من كهربا وقولتله خليك في الملعب وبقيت متهم بالتحريض على القتل انا مش بهتز وعارف ان الكلمه امانة وبحافظ عليها”.
شاهد:
