علق حسام حسن مدرب منتخب مصر، على إنتهاء الخلاف مع محمد صلاح جناح ليفربول الإنجليزي ومنتخبنا الوطني.
وقال حسام حسن المدير الفني لمنتخب مصر قبل مواجهه بوركينا فاسو في تصفيات كأس العالم : كان فيه تخيلات وكان وفيه ناس بتحاول تزرع في عقول الناس إن فيه مشكلة طبيعي نجم كبير موجود وفيه جهاز وطني بيحترمه وبيحترم جميع اللاعبين.
وشدد : الأمر ده خد وقت طويل جدا وخدنا من وقتنا بأمور مش مظبوطة بلدنا أكبر من الجميع ولكن الأمور دي كنت بعديها.
وأشار : أنا سعيد بمحمد صلاح جدا وقيادته للمنتخب اللاعبين بتحبه جدا ولامم اللاعبين
وأتم : إن شاء الله هتشوفوا محمد صلاح زي ما بتشوفوه خارج مصر وأكتر كمان هو عنده إصرار إنه يعمل حاجه كبيرة للمنتخب.
ويستعد منتخب مصر لمواجهة بوركينا فاسو غدا الخميس الموافق 6 يونيو، في تمام الساعة العاشرة مساء بتوقيت القاهرة، وستقام على استاد القاهرة الدولي.
