سيف زاهر يكشف مكاسب إدارة الزمالك بعد الأزمة مع رابطة الأندية والحكام !! – فيديو

كشف الإعلامي سيف زاهر ، عن مكاسب مجلس إدارة نادي الزمالك برئاسة حسين لبيب ، من الأزمة الأخيرة مع رابطة الأندية المصرية المحترفة .

وأكد ان الزمالك ضحي بثلاثة نقاط في مباراة الأهلي مقابل تحرك المسؤلين من أجل معالجة أزمات الكرة المصرية ، بجانب التحقيق مع الحكام .

وقال سيف زاهر مقدم برنامج ملعب اون تايم المذاع عبر شاشة قناة اون تايم سبورتس الفضائية :”الزمالك جزء مهم في منظومة كرة القدم ، قصة مجلس إدارة نادي الزمالك كانت واضحة انها تاخد موقف علشان تعدل الوضع”.

وشدد :” ناس تقولك كل حاجة لازم تتغير في 24 ساعة ، انا بستغرب السكة دي ، الموضوع مش كدا خالص”.

واستمر : “والموضوع مش انتصار للأهلي ولا للزمالك ، الموضوع ان الناس شايفه إن فيه مظلمه ، فخدوا موقف كبير جدا ، هو دا الموضوع”.

وتابع : “ممكن عامر حسين يكون استخدم اسلوب ممشيش مع الزمالك ، مفيش مشكلة لو قعد أو مشي،مجلس الزمالك أخد القرار في مباراة كبيرة علشان يخض ، المجلس خد قرار والجمهور ساند”.

واستطرد :” سمعنا الايام اللي فاتت ان فيه قرارات كتير وتعديلات وتحقيقات ، لو الزمالك مخدش موقف مكانش دا هيحصل” .

وشدد : “الزمالك قالك انا ضحيت ب3 نقط علشان أحرك المايه الراقده، الناس بقي تقولك كمل دوس يا كابتن لبيب مش عاوزين نلعب في الدوري طب إزاي ؟”

وأكد : “الناس فهمت إن مجلس إدارة نادي الزمالك مبيهزرش ، ناش كتير عندها مشاكل وازمات ، لكن الزمالك الجامد والقوي علشان كدا وقف”.

وقال : *لقطة مجلس الزمالك مفيهاش مكسب وخسارة ، هي موقف علشان الناس تسمع لإدارة الزمالك، لازم اتحاد الكرة يوجه الشكر للجنة الحكام ، النهاردة قبل بكرا”.

وأتم :” اتحاد الكرة كان لازم يمنع احمد الغندور والبنا من إدارة مباريات الترقي بعد أزمة الزمالك ، وارد أن حكم ميكونش موفق”.

شاهد الفيديو