شاهد.. عمرو أديب يهاجم الزمالك بسبب مباراة القمة أمام الأهلي.. “إيه القمص ده؟ “!! – فيديو
هاجم الإعلامي عمرو أديب، مجلس إدارة الزمالك بسبب رفضه إستكمال بطولة الدوري بداية من لقاء الأهلي بالدور الثاني، لحين إنتهاء الفرق من مواجهات الدور الأول.
وقال أديب في تصريحات تليفزيونية ببرنامج “الحكاية”، عبر قناة “mbc مصر”:” في ناس بتقول الزمالك هيلعب ودي ضغوط، وناس بتقول مش هنلعب، رأيي الشخصي، الزمالك لازم يلعب مينفعش واحنا جوه الدوري معجبناش ماتش، وكره نطت على الخط، وفي مؤجلات اومفيش مؤجلات ونقرر منلعبش مفيش حاجه اسمها مش لاعب”.
وأردف:” الزمالك مبيلعبش على بطولة الدوري والكأس، لا الزمالك في المركز الـ12، وفي بطولة بنشارك فيها، بناشد مجلس ادارة الزمالك العبوا المباراة، وازاي النهارده السبت وانا لاعب بالزمالك مش عارف هلعب او لا، في حين النادي الثاني بيدلع لعيبته، في حين ابن الزمالك قاعد مش هيلعب ولا لا، في خاجه كده انت منتظر منه ايه”.
وأشار أديب: “واحد بتقوله مش لاعب وفحاةبكره ياحبيبي يلا نلعب الماتش، احنا مش داخلين ماتش عادي، ولا هنلاعب فرقه تعبانه، ده الأهلي بطل إفريقيا، ايه نظام القمص ده، دي بطوله وانا بشارك فيها، هو ليه منلعبشي مباراة الثلاثاء”.
واضاف:” أنت كده بتدي الأهلي ثلاث نقاط بدون ما يلعب وكمان هيتخصم منك ثلاث نقاط تانيه وهنقعد نحاول منهبطشي مع احترامي يعني احنا بنافس الجونه في جدول ترتيب الدوري “.
وتابع أديب:” احساس اللعيبه ايه دلوقتي وهما مش عارفين هيعملوا ايه، مفيش نادي في العالم بيعمل كده ولا ريال مدريد حتى في إسبانيا “.
وشدد:” المشكلة الأساسية أننا مينفعشي منلعبشي يوم الثلاثاء لكن الأزمة أننا نلعب يوم الثلاثاء بعد ده كله”.
وأختتم: “الصح نلعب يوم الثلاثاء، وتيجي قبلها تلم الاعيبه وتقوله يلا عندنا ماتش، والباشا الثاني بيدرب في التتش وامام عاشور يخلص خناقته في المول ويلا يا إمام، وافشه والقاضيه زي الفيلم، وانت رايح مهزوم والغريب لو ملعبتش والعجيب لو لعبت”.
شاهد:
