فتح الإعلامي الأحمر أحمد شوبير، النار على المتجاوزين في حق محمد هاني لاعب النادي الأهلي، بعد نشر صور حفل زفافه أمس.
وقال شوبير في تصريحات عبر برنامجه الإذاعي صباح اليوم الخميس: “أمس أمر عجيب جدًا حدث على السوشيال ميديا، عندما يكون في فرح المفروض الناس تُهنئ أصحاب الزفاف، لكن الموضوع بقى مخيف، لأن أحيانًا مش بيبقى في دم”.
وتابع: “هل معقول لما لاعب يتجوز يقولوا ليه خد شهرين إجازة، وأخر يقول له أصبح نسيب حسام غالي وسيشارك أساسيًا، وثالث يقول يريح على طول، وتعليقات أسوأ من ذلك”.
وأضاف: “مش عارف الناس دي عايزة إيه، أنا برضو كنت بكتب نعي لزميل لي ووجدت التعليقات عقبالك وربنا ياخدك”.
وأردف: “ليه الناس في حفل زفاف محمد هاني في أسعد يوم في حياته وتكون هذه التعليقات، تعليقك سخيف ودمه تقيل ورزل وإنت أرزل، لما يكون عريس يوم فرحه وتكتب تعليقات بهذه الطريقة فانت رزل ومفيش حد هيضحك على تعليقك”.
واستكمل: “لازم تكون بني آدم مختل، إذا كان عندك حساب على السوشيال وتعمل كده عيب، محمد هاني لن أقول لك أن مستواه ثابت، لكن تغير عليه مدربين كثيرين وكانوا مقتنعين به”.
واختتم: “يا ريت نرجع لأخلاق زمان، لكن إللي بيحصل ده عيب، لا أخلاقنا ولا أصولنا ولا صفاتنا، وبجد كل واحد بالأخلاق دي أتمنى يختفي تمامًا”.
