“ضياع وتخبط عشوائي في الدوري المصري!”.. أحمد عيد عبد الملك يُطلق صرخة مدوية – صورة

عبّر أحمد عيد عبد الملك، المدير الفني لفريق غزل المحلة، عن غضبه وإحباطه من حالة الفوضى التي تُسيطر على الساحة الكروية المصرية، وذلك عبر منشور على صفحته الرسمية على موقع “فيس بوك”.

وكتب أحمد عيد عبد الملك، عبر صفحته بموقع “فيس بوك”: “عن نفسي كمدير فني صاعد مع فريق للدوري الممتاز قاعد يتفرج علي الساحة الرياضية ومفيش خريطة محطوطة لاي حاجة جاية ولا لنهاية الدوري الحالي او بداية الدوري الجديد ولا عارف تتكلم علي صفقات مع لاعيبة الدوري الي لسة مخلصوش علشان تتعاقد معاهم ولا عارف تحط بداية فترة الاعداد بالظبط امتي”.

وتابع: “وهتفضل لحد امتي تعمل الاعداد ده واحنا مخلصين دوري من اول اسبوع لشهر مايو هنستني ٥ شهور مثلاً علشان نلعب رسمي !!”.

وأضاف: “الصراحة الجو العام ميساعدش اي حد يعرف يشتغل وينجح بقالنا ٤ سنين في نفس المشاكل نفسي الدوري علي الاقل يرجع لحقبة بداية الالفية الجديد ملاعب كامل العدد ومواعيد متظبطة وفرق جماهيرية موجودة في الدوري تضيف حلاوة وقوة واثارة للدوري”.

وأردف: “انا عمال احلم بس هنعمل ايه ما باليد حيلة والكرة حالياً بقت وسيلة لحاجات كتير اووي الاغلب بيستخدمها غلط”.

واختتم: “منظومة محتاجة وقفات كتيرة وكبيرة ومحدش بيتحرك مستنين الحل من عنده وربنا يسترها عالقادم !!”.