كشف طارق السيد، لاعب الزمالك السابق، سر إقحام الأهلي في أزمة الفارس الأبيض مع رابطة الأندية ورفضه خوض مباريات الدور الثاني من الدوري بداية من لقاء القمة إلا بعد الانتهاء من مواجهات الدور الأول.
وقال السيد،خلال مداخلة هاتفية عبر قناة “الشمس”:” مايحدث سمك لبن تمر هندي، الموضوع صعب جدا مفيش دوري في العالم كده، شوف الدوري التنزاني منتظم ومنضبط”.
وأضاف:” الدوري غير متتظم وغير منضبط سواء في جدول ولجنة المسابقات والحكام، احنا في حالة عبث كروي وللاسف نفسي المنظومة تنضبط من من يديروها”.
وشدد السيد: “زج الاهلي في الازمة، سببه ان عاوز اخرج من الازمه ومشكلتي الرئيسية، فلازم ادخل الكبير مع الكبير علشان محاربش لوحدي، وهو بيحارب في الغلط ياريته في الصح، فانا بدخل الكبير مع الكبير علشان انا اخرج”.
وأكمل:” الزمالك معندوش مشكله مع الأهلي، وكل الانديه عندها نفس المشكله، الأهلي هدد بهدم اللعب سابقا حاليا الزمالك، واتبدلت الكراسي كانت مع الاهلي اصبحت الان مع الزمالك”.
وأختتم: “مشكلة الكرة في مصر بسبب تنظيم المباريات والحكام، لما يطلع رئيس لجنة الحكام الاجنبي يقول عينت البنا والغندور في دورة الترقي بعد اخطائهم في مباراة الزمالك والمصري علشان ادعمهم، انت بتساندهم في الحق ولا الباطل، ده هو الكيل يمكيالين”.
شاهد:
