طارق يحيى ينفعل على الهواء ويفتح النار على رابطة الأندية بسبب الزمالك..” ده تهريج”!!- فيديو
فتح طارق يحيى، لاعب الزمالك السابق، النار على مسئولي رابطة الاندية بسبب الفارس الأبيض، وعدم التعامل بشكل احترافي مع طلبات الزمالك.
وقال يحيى في تصريحات تليفزيونية ببرنامج “اللعيب”، عبر قناة”mbc مصر”: “انا مع الزمالك جدا في موقفه لان عندي اسبابي، الزمالك نادي كبير ولديه جماهير عريضه ونادي صدر نجوم كثيره للمننتخبات، والزمالك ليس اقل من اي حد ونادي كبير وجماهير كبيره ولابد ان تقدر”.
واضاف:”شاهدنا كيف رد المسئولين عن الكرة على الزمالك، ولو اي نادي اخر كان الرد سيكون مختلف، اليوم طلبت مطلب واحد حققه، لما تجد حكم مباراة المصري والڤار يغفلوا عن اثبات الكره تخطت خط المرمى ام لا، ونقول عاوزين نحقق معهم، ثاني يوم يحكموا انت بتطلع لسانك للزمالك؟ “.
وواصل يحيى منفعلا:” الزمالك بقيمته وجماهيره ويقولك الحكام غلطوا ويحكموا بعدها، والمباراة اللي بيتحدوا بها الزمالك يكرر نفس الغلط والكرة تخطت ومحسبهاش، ومش عاوز مجلس الادارة ميكونش لهم رد فعل امام جماهيره”.
وشدد:” انت خليت شكلي وحش قدام جماهيري، ومش عاوزني ارد عليك، لازم يكون في احترام للزمالك، الناس دي محترمتش الزمالك، فكان لابد ان يكون هناك موقف قوي انا شكلي قدام جماهيري ايه؟”.
وأختتم يحيى:” لكن انت اضطرتني ملعبش، مينفعش اقولك كده تطلع لي لسانك، ده تهريج وعدم احترام، وترجع تقول بتكلموا عن المؤامرة والمظلوميه، ده بيحصل من سنين اخد موقف، وتقولي ممنوع دخول مجلس الاداره يحضر المباريات دي هيافه والله انت محترمتنيش مش هحترمك”.
شاهد:
