متحدث الزمالك يلقن المتجاوزين في حق شيكابالا درسًا قاسيًا… ” كل واحد يخليه في حاله” – فيديو
رد أحمد سالم، المتحدث الرسمي لنادي الزمالك، على من بعض الأعلاميين والأشخاص الذين يقللون من قيمة محمود عبد الرازق “شيكابالا” قائد الفريق الاول لكرة القدم.
وقال أحمد سالم في تصريحات لبرنامج “الكابتن” عبر قناة “dmc “:” السكوت عن الإساءة للزمالك ونجومه بتتفهم ضعف، ولكن في جو عام من الهجوم غير المبرر على النادي، ومالوش لزمه جو الاحتقان”.
وتابع:” في اشخاص معروفين بالاسم وبرنامج مسخر للهجوم على لاعبي الفريق، اعتقد ليس له علاقه بالكره مايحدث، قريبا هنقدم شكوى في المجلس الاعلى للاعلام بعدمايتم تجهيز ملف شامل بالتجاوزات، واتمنى منوصلش لها لان في واحد فاضي دايما بيخوض في سيره لاعبي الزمالك “.
وأضاف:” شيكابالا اسطورة الزمالك محدش طلب من حضراتكم تحطوا صورته في بيتكم، انت بتشوف الخطيب اسطورة انت حر وحقك، ليه مسخرين برامج كامله للتقليل من شيكابالا وهو لما خرج في الإعلام اتكلم بشكل جيد”.
وشدد سالم: “في فرق بين الرأي الفني والتقليل من شيكابالا، الموضوع واصل للاساءه للاعب، وجمهور الزمالك زعلان واخشى من رد فعلهم”
واردف: “لاعب بيظهر في البرامج كل اسبوع، ومش عارف ازاي النادي اللي بيلعب فيه سايبه يلف على القنوات، بيهاجم شيكابالا، هوعلاقته انتهت بالزمالك وكان عليه حكم معين واتنفذ والحكم بيقول هارب، المفروض الاعلامي يراجع الضيف لما يغلط في حد مش موجود”.
وتسائل سالم:” مين في الزمالك تجاوز في البرامج الي ظهر فيها؟، شيكابالا تكلم بمنتهى الاحترام والذوق، وكلام شيكابالا رد فعل انت حاسب الفعل متحاسبش رد الفعل “.
وأشار:” ياريت كل لاعب يركز في شغله، في لعيبه بتظهر اكثر ما بتلعب، لمصلحة الكره المصريه كل واحد يخليه في حاله، والعلاقه بين الناديين جيده اتمنى محدش يفسدها”.
شاهد:
