مجدي عبد الغني يفتح النار على عامر حسين بسبب أزمة الزمالك مع رابطة الأندية.. “انت مش شمشون الجبار”
فتح مجدي عبدالغني نجم الأهلي السابق، النار على عامر حسين، رئيس لجنة المسابقات، بعد أزمة نادي الزمالك مع رابطة الأندية ورفضه خوض مباريات الدور الثاني من الدوري لحين انتهاء جميع الأندية من خوض مباريات الدور الأول كاملة.
وقال عبد الغني في تصريحات تليفزيونية ببرنامج “يامساء الأنوار”، عبر قناة” mbc مصر” :” الحاج عامر حسين لا يكتسب من كرة القدم ولكن بيحصل على وضع إجتماعي”.
وتابع: “هو مش عنتر ابن شداد ولا شمشون الجبار ويكون في خمس مناصب مع بعض إزاي؟، هو رئيس منطقة الاسكندريه ورئيس لجنة المسابقات، ومشرف على كرة القدم بنادي سبورتنج وعضو رابطة وعضو اتحاد الكره”.
واضاف عبد الغني:” طيب بجد هيقدر يعمل كل ده ازاي؟، ده كل منصب من دول ليه شغله ولازم يكون ناس تحته احنا لحد دلوقتي منعرفشي مين معاه في لجنه المسابقات”
وشدد:” اللائحة بتقول لازم 4 أشخاص في لجنه المسابقات واحنا منعرفشي غير الحاج عامر حسين وكأن الباقي سر حربي”.
واختتم:” بقوله امشي يا حاج عامر وانت اديت دورك تماما، وسيب حد تاني ياخد الفرصه، وعلشان الناس تقول ولا يوم من ايامك ياحاج عامر يا حسين”.
