انتقد الإعلامي أحمد شوبير ، الحديث مؤخراً عن أزمة إعتداء حسين الشحات لاعب الأهلي ، على محمد الشيبي ظهير أيمن الفريق الأول لكرة القدم بنادي بيراميدز.
حيث قال أحمد شوبير في تصريحات لبرنامج ملعب أون تايم المذاع عبر شاشة قناة أون تايم سبورتس الفضائية : الفيلم بتاع الشيبي والشحات بقي دمه تقيل أوي أوي .
وأكد : الأخوة المحامين من فضلكوا بقي اسكتوا ، اللى عاوز يرفع قضية يرفع ، اللي عاوز يروح الأمم المتحدة يروح ، واللي عاوز يروح مجلس الأمن يروح.
واضاف : ومينفعش تقول محامي لازم تقول مستشار ، يا جماعة نسمي المسميات بمسمياتها ، أي محامي نقول عليه محامي ومنقولش عليه مستشار ، إلا لو كان في القضاء وخلص واشتغل محامي ، ياعم هي كلمة محامي دي قليلة ؟؟
وأتم : ياعم روحوا المحاكم وقطعوا بعض هناك ، دي مبقتش اخبار رياضة ، انا ليا تحفظ على الملف من أوله لاخره ، أتمني من زملائنا الإعلاميين خلاص بقي كفاية موضوع بقي ممل ومزعج ويزهق ، حاجه عجيبة وغريبة.
شاهد الفيديو
