هجوم قوي من عمرو أديب على اتحاد الكرة وحسام حسن بسبب المنتخب ” عاوز تلغي الدوري ليه؟ ” – فيديو

هاجم الإعلامي عمرو أديب، مسئوولي اتحاد الكرة وحسام حسن المدير الفني لمنتخب مصر بسبب أداء الفراعنة في التصفيات المؤهلة لكأس العالم 2026.

وقال عمرو أديب في تصريحات تليفزيونية ببرنامج “الحكاية” عبر قناة “mbc مصر:” “مين بيخطط للكره المصريه؟، مين بيختار مدرب المنتخب؟، احنا شعب بيعشق الكرة لسنا غينيا بيساو نحن مصر، اللعيبه واللطافه والعاشره يااهلي والـ13″.

وتابع:’ لما تيجوا للانديه فوريره ولعيبه جامده وتخطيط وصرف تيجي للمنتخب زووو والصوت ينخفض”.

واردف اديب:” في امور لطيفه انتقلت من المواضبع الأخرى للمنتخب، بيقولك اعداء المنتخب والمشككين والمؤامرات، طيب وانت مش قادر تخلص الدوري كل دوريات العالم خلصت وانت في الدور الاول لسه، اشمعنى انت مفيش تخطيط، انت الوحيد مش عارف تعمل ايه في الدوري تلغيه تكمله تركب بسكلته”.

وشدد:” من 20 سنه من ايام هدف كابتن مجدي عبدالغني مفيش تخطيط ولا اتحاد كرة قوي، ويطلع واحد يقولك جيب هاني ابوريده زي الحلول في الحاجات التانبه كلها مكررة، شويه تخطيط وطموح انت شغال يوم بيوم بس نعدي الماتش ده وبعدها نشوف”.

وواصل أديب؛ “انت عاوز ايه المنتخب ده لو راح كاس العالم مركزه هيبقى 48، انت في مصر سمعت حد بيقول عاوز اروح كأس العالم واعمل فرق، اسمع المغاربه بيقولوا ايه المره اللي فاتت قالوا عاوزين كأس العالم”.

واستطرد:”لكن احنا انا ياعم وصلتك كاس العالم وروح ديزني لاند وخدت تاشيرة أمريكا، انت سمعت حد بيكلم عن طموح كاس العالم، اتحاد الكره ده طموحليس”.

وأكمل اديب:” مين وصلنا للمرحله دي كل اللي في دماغكم حلم الوصول لكأس العالم، طيب لما وصلت المره اللي فاتت حصل ايه، هي دي مصر؟ اول بلد تعمل كره في افريقيا كلها”.

وأستانف:” لما اكلمك على الاسماء دي كلها وعندنا محترفين كبار دول يجيبوا ايه، بيقولك اصل هم سافروا، والشناوي كان بيلعب كام بطوله وراح وسافر وجه وشارك في كام ماتش، محدش اتكلم وقتها، والحراره عاليه حراره ايه مابيلعبوا في الحراره دي، وصلاح بيلعب كل يومين استشفاء ايه”.

واضاف أديب: “انت عاوز تقولي الفريق هيبقى عظيم بالشكل ده؟ لاخالص، لومكنش المدرب يعرفهم يعني طعم الفوز مش عاوز اقارن بحاجات صعبه، المدرب منزل لعيبه توقف الكره في اخر الماتش”.

وأشار:” كابتن حسام الوقفه مش مع اللعيبه، اه اللعيبه لم تبذل مجهود، ويقولوا اصل اخر الموسم، ونطلع كلام نلغي الدوري، علشان نتفرغ لسيراليون واثيوبيا اللي بعد سنه، هو ده الشئ العظيم اللي عاوز تعمله؟ “.

واستطرد:” هتعملوا ايه!، ارجو الملف لايغلق ويجب نشتغل مباريات وديه، وكابتن حسام يعرف اللعيبه ويختار كويس، في لعيبه واضحه انها عظيمه، اخدنا نقطه بس جالنا نقطه وعاوزين يكلموا ويعملوا شماعات اصل صلاح مرضيش يتغير محصلش ”

واختتم: “الحقيقه الاداء ليس جيد، وايه الفرق بينه وبين فيتوريا على الاقل فيتوريا كان ممهد الطريق له، مفيش حاجه اتغيرت مفيش لاعب منور تحت قياده المدرب احنا محتاجين شغل ومش مبسوطين”.

شاهد: