هاجم محمد عبد الوهاب، عضو مجلس إدارة الأهلي السابق، مجلس محمود الخطيب، بسبب طريقة تعاملهم معه.
وقال عبد الوهاب في تصريحات تليفزيونية ببرنامج “اللعيب”، عبر قناة “mbc مصر”:” مينفعش ابن محمد عبدالوهاب اجيب له تذكره من السوق السوداء لحضور نهائي إفريقيا امام الترجي، ده مش الاهلي، وماحدث صغائر متطلعش من كبار”.
وتابع: “لو اخر يوم في حياتي مطلبش حاجه من الناس الموجوده بالاهلي، ومفيش مشكله ادفع في تذكره 10 اضعاف، انا اهلاوي انا محرجش نفسي، وهناك ناس عندهم قلة خبرة مش مقدرين تاريخ ناس كتير خدموا الاهلي”.
واضاف عبد الوهاب:” لونجحت في انتخابات ولقيت نفس المجموعه؟ ولادقيقه واحده اتعامل معهم اذا مشتلغناش مجموعه واحدة لصالح الاهلي”.
واختتم:” ايه يزعلك ان الناس بتحبك؟ ومدخلتش الاهلي من فترة طويله، وقابلتهم من فتره في عزاء والسلام لله، دوام الحال من المحال، انا اهلاوي والاهلي في دمي، وانا كنت مع مجلس محمود طاهر وعانينا من تصدير المشاكل، ولا احب الآن ان اكرر هذا الامر مع مجلس الخطيب”.
