كشف نادر شوقي، وكيل الراحل أحمد رفعت، لاعب نادي فيوتشر، أسباب الأرمة الصحيه التي تعرض لها في الفترة الماضيه واصابته بضغط نفسي.
وقال شوقي،خلال تصريحات تليفزيونية ببرنامج “الكورة مع فايق”، عبر قناة”mbc مصر2″:” الموضوع الدكتور المعالج لاحمد قال في ضغوط، واحمد اللي عمره ما كدب ولا دخل في مشكله مره، لما بيحصل مشكله بيكتم ويسكت من كثر ما المواقف زادت وصلنا لدرحه رفعت بدا يزعق”.
ونابع: رفعت كان على قوة فيوتشر وتمت اعارته للوحده الامارتي طبيعي، اذا قانونا واحد دفع وخرح لنادي بره البلد، وهو لايحق له الخروج، لان في قانون واي نادي في الدنيا هو خاضع للقانون وبالذات المنطقه العسكريه مفيش صغير وكبير”.
وشدد شوقي:” ازاي ابيع لاعب وهو ليس حر نفسه، واتقال التصاريح اتعملت والحقيقه متعملتش، احنا مبندخلش بين النادي والحصول علي التصاريح، احمد طلع وسافر واتفاجئ ان الموضوع مخلصش، وفي شهر11 عرف ان موضوعه غير قانوني، الطبيعي الموضوع كان يتحل”.
وأردف: “احمد دياب كان هو وقتها رئيس فيوتشر وعمري ما هاوقع على احترافه ومفيش تصاريح إلا لما احمد دياب قاله اتحرك وسافر، وكابتن عبدالظاهر السقا وعلي ماهر وكل لاعبي فيوتشر في المطار وعارفين القصة، هو سافر على الامارات من ليبيريا”.
وواصل شوقي:”احمد مكنش عاوز يتحرك وهو في المطار الا وموقفه قانومي، وحصل مكالمه بين المسئول في فيوتشر وعلي ماهر وعبدالظاهر وطلع على الامارات لان اتقال الموضوع انتهى وفي تصاريح”.
واشار:” لما أحمد اتفاجئ ان الموضوع مخلصش والوحده قال نفسخ العقد لانه اصبح غير مركز في اللعب، وتم فسخ العقد في شهر12، قعد هو هناك لشهر يناير، مش عارفين نعمل ايه والاقامة كانت مرتبطه بالعقد ومدوا الاقامه لبعد الفسخ تقديرا له”.
وأكمل شوقي: “أحمد قعد شهر مبيلعبش وبعدها رجع من الامارات وروحت جبته من المطار وكلمتهم في فيوتشر وقالوا استنى شويه واحمد كان بيكلمني كل يوم ويقولي انا في مشكله و مش عاوز اعمل حاجه ضد القانون”.
وزاد:” انا لا اعفي نفسي من المسئولية، لان صبرت بسبب وعد ادارة فيوتشر وكلامها اني اصبر ومن ساعه ما أحمد وقع في الملعب ماحدش في الرابطه كلمه او اتحاد الكره مفيش غير حازم امام”.
واستانف:” ليه توصلني اكلم انا مش بهاجم حد، انا عاوز حق احمد رفعت، وساكت بقي لي سنه وبتوسل لحل القصه لحد ماوقع ومات، وكان عاوز يقول لما ظهر في الاعلام ولكني رفضت وكنت عاوز ارجعه يلعب كرة ثاني ومبيبطلش الابمزاجه علشان نفسه متتكسرش”.
واستطرد شوقي:” انا معرفش هيحصلي ايه؟ وكان لازم اتكلم ولابنصفي حاجه مع حد والناس بتوع الوحده عارفين القصه ومتعاطفين معه والوحده دفعوا قيمة السنه كامله، محدش اتدخل يحل له المشكله خالص حتى بعد ما وقع في الملعب وكان بيتقال مصاب وهوكان سليم وحس بالظلم وان حد بيلعب به”.
واختتم: “احمد كان بيقول ازاي اكون مخالف للقانون وانا مش عاوز اكون مخالف للقانون، ربنا خلاه يقعد ويقول ان انا كنادر عارف ودكتور وليد دعبس عارف، والدته غلبانه اوي وربنا يصبرها لانها شافته مرتين بيموت وعارفه الضغط النقسي وكان بتكلم الناس تتوسل اليهم كلم عبدالظاهر السقا وعلي ماهر واللاعبين اسألهم كلهم عارفين، في ناس حاولت تحل دكتور وليد اصل المشكله متحلش لانها اتاخر”.
