“إحنا مش في الدوري الإنجليزي”.. تعليق ناري من فايق على أزمة أسعار تذاكر مباراة بيراميدز والأهلي – فيديو

علق الإعلامي إبراهيم فايق على أزمة أسعار تذاكر مباراة بيراميدز والأهلي في بطولة الدوري، مشددًا على ضرورة وضع سقف لأسعار تذاكر المباريات في الموسم الجديد.

ومن المقرر أن يلتقي بيراميدز مع الأهلي مساء يوم الإثنين المقبل 22 يوليو الجاري، في إطار منافسات الجولة 31 من المسابقة المحلية، حيث جاءت أسعار تذاكر مباراة بيراميدز والأهلي في الدوري الممتاز كالتالي: درجة ثالثة يمين – 200 جنيه، درجة أولى يمين – 2000 جنيه، المقصورة الرئيسية – 5000 جنيه”

وقال “فايق” :” انا شفت اللي حصل في أزمة أسعار تذاكر مباراة بيراميدز والأهلي إن فيه جيم نفسي حاول بيراميدز يلعبه مع الأهلي”.

أشار :” بيراميدز شايف إن الأهلي هو المنافس بتاعه فحاول يضايق الأهلي ورفع سعر التذكرة ظنًا منه لأمرين الأول هو إنه جمهور الأهلي مش هييجى يبقى حرم الأهلي من جماهيره أو لو الجمهور حضر يبقى كسب وعملت فلوس من التذاكر”.

وأضاف ” فايق” خلال تقديمه حلقة جديدة من برنامج ” الكورة مع فايق” على قناة “MBC” مصر 2 “: “الناحية الثانية كان فيه جيم إدارى من الأهلي ورد وقال انا هتحمل فارق التكلفة للجماهير”.

وتابع :” الكرة حلوة وزي ما فيه كورة حلوة في الملعب بيكون فيه جيم تاني من الناحية الإدارية.. أنا عجبني الجيم الإداري جدًا بيراميدز بيدور على حقة والأهلي رد عليه”.

وأكد “فايق” : ” أخشى ما أخشاه تبقى دي العادة والعادة دي مش هتمشى معانا كجمهور محب للكرة في ظل الظروف المادية، ويبقى كل نادي مش جماهيري يحب يضايق الأندية الجماهيرية ويعلى سعر التذاكر”.

وشدد “فايق” :” أنا بقولك الموضوع هيبقى كده في المستقبل واللى حصل ده هيبقى مستند للأحداث دي، واللى هيتفرم في النص هو الأندية الأقل جماهيره من الأهلي”.

وأختتم ” فايق” :” لازم يبقى فيه تدخل وقعدة بوضع شكل معين للتذاكر، و احنا مش بنلعب في الدوري الإنجليزي عشان التذاكر غالية كدة، ولازم الرابطة تقعد مع الناس ويكون هناك اتفاق على مسألة أسعار التذاكر، ويكون فيه سقف معين لأسعار التذاكر”.

شاهد: