وجه ايمن الشريعي رئيس مجلس إدارة نادي إنبي ، سؤال حول إجراءات سفر اللاعب الراحل أحمد رفعت الى الإمارات للإنضمام الى الوحدة .
وقال ايمن الشريعي مقدم برنامج البريمو عبر شاشة قناة TEN الفضائية تقديم الإعلامي محمد فاروق : فيه فرق بين لاعب مطلوب للتجنيد وواحد مجند .
وأشار : احمد رفعت كان مجند فالاوراق بتكون مختلفة ، علشان كدا هو اتعامل معاملة الهارب من التجنيد.
و قال متسائلا : لو فيوتشر مثلا مكانش عنده ماتش في أفريقيا ،احمد رفعت كان يقدر يسافر ؟ لا مكانش هيقدر يسافر من مصر للإمارات .
وزاد :لو فيوتشر مكانش عنده الماتش دا واسم احمد رفعت اتكتب لوحده مكانش هيقدر يسافر بكل بساطه وهنا يبقي فيه خلل اداري.
وأكد : الخدمة الوطنية هي الوحيدة اللى مينفعش حد ياخد لها قرار ، حتي الاب مع ابنه ميقدرش ياخد قرار لأبنه في الموضوع ده ، يملك آه لكن لا يحكم عليه في الموضوع دا ، نفس الموضوع النادي ميقدرش يأمر اللاعب بأي شيء في موضوع التجنيد.
شاهد الفيديو
