الطبيب المعالج للاعب أحمد رفعت يكشف بالتفاصيل ازمته الصحية وحقيقة تعرضه لضغوط صعبه ادت لوفاته!

كشف الدكتور احمد اشرف عيسى الطبيب المعالج للاعب احمد رفعت بعد وفاته عن تفاصيل الحالة الصحية للاعب خلال الفترة الماضية.

وقال عبر برنامج الكورة مع فايق على قناه ام بي سي مصر 2 : ” احمد رفعت قلبه توقف اول يوم رمضان 11 مارس واتحط على اجهزه التنفس الصناعي 10 ايام وبعد كده اتنقل مصر “.

وواصل : كان عنده مشكله في الكلى واتعمل له رنين مغناطيسي على القلب ، ووضح أن في جزء في عضله القلب والشريان مقفول”.

وتابع : ” عملنا قسطره ليه وبدأنا نمشي على أدوية السيوله والدنيا بدأت تتحسن وكفاءة القلب وصلت مؤخرا 50% وده معدل كويس جدا”.

وأكمل : اي شخص بيصاب بجلطة في القلب مينفعشي يتم تركيب ليه جهاز صدمات كهربا الا بعد 45 يوم وده اللي حصل مع احمد رفعت “.

وشدد : ” كل الفحوصات اللي اتعملت عليه مطلعشي عنده خلل جيني فكان مفيش الزام لتركيب الجهاز في الوقت الحالي ووضعه مختلف تماما عن اللاعب اريكسن لاعب منتخب الدنمارك “.

وأتم : احمد رفعت كان عنده ضغط نفسي رهيب الفتره الأخيرة وأهله هما واسرته هما أكثر ناس ينفع يتكلموا فيها مش أنا لان في تفاصيل هما أكثر درايه بيها .. هو كان شخص حساس اوي وكتوم في نفسه بيعمله ضغط نفسي”.