الطبيب المعالج للراحل احمد رفعت يصرح: نعم تعرض لضغوط شديدة ولكن !!!

اطلق الدكتور احمد اشرف عيسى الطبيب المعالج للاعب الراحل احمد رفعت تصريحا صادما بشأن تعرض اللاعب لضغوط شديدة ادت لوفاته.

وقال الطبيب عبر برنامج الكورة مع فايق على قناة ام بي سي مصر 2 : ” احمد رفعت كان عنده ضغط نفسي رهيب الفتره الأخيرة وأهله واسرته هما أكثر ناس ينفع يتكلموا فيها مش أنا”.

وواصل : ” لان في تفاصيل هما أكثر درايه بيها .. هو كان شخص حساس اوي وكتوم في نفسه بيعمله ضغط نفسي والفترة الاخيرة حصله ضغوطات كبيرة “.

وتابع : ” اخوه كلمني امبارح بالليل قالي الحقني يا دكتور احمد مش بينطق وكان مفيش اي نشاط كهربي والقلب مش بينقبض وقولتلهم يطلعوا على اقرب مستشفى علطول “.

وأكمل : ” حاولوا ساعه ونصف لكن كان خلاص القلب مش بيستجيب.. هو محصلشي ليه اي اغماء ولا اعراض ده كان كويس واتفرج على ماتش امبارح وروح البيت طلب من مامته طلب فاكهه “.

وأتم : ” احنا تواصلنا مع كل الدكاتره برا وكله اجمع أنه مش محتاج يركب الجهاز دلوقتي خالص، واحنا كنا بنتكلم هيرجع التدريبات امتى وده كان كل الشغل بتاعنا لأنه كان وصل لحاله كويسه جدا”.