“ايه القرننه دي” !!.. خيري رمضان يفتح النار على زيزو بسبب وزير الرياضة – فيديو

شن الإعلامي خيري رمضان هجوم قوي على أحمد سيد زيزو نجم الفريق الأول لكرة القدم في نادي الزمالك والمشارك حاليا في أولمبياد باريس 2024 مع المنتخب الأولمبي، بسبب لقطة مع وزير الشباب والرياضة عب مباراة أوزبكستان.

وكان وزير الشباب والرياضة الدكتور أشرف صبحي حرص على التواجد في غرفة ملابس المنتخب الأولمبي بعد الفوز على أوزبكستان ضمن منافسات كرة القدم في أولمبياد باريس 2024،  وحاول أن يخفف من حدة التوتر بين زيزو والجهاز الفني وذلك بعد غضب نجم الزمالك من قرار استبداله خلال المباراة.

وقال ” خيري” :” وزير الشباب والرياضة الدكتور أشرف صبحي راح امبارح لمقر بعثة منتخب كره القدم علشان يهنيهم بالفوز على اوزبكستان”.

أشار ” دخل غرف خلع الملابس وبيسلم على اللعيبه كلها وفي لقطه زيزو لقاه قاعد مش عايز يقوم .. قاله قوم انا مصري وانت مصري وراح واخده بالحضن”.

وأضاف ” رمضان” خلال تقديمه حلقة جديدة من برنامج ” مع خيري” على قناة ” المحور” :” “اتفرجوا على المشهد ده .. تصدقوا أنا عامل الفيلم ده علشان اللقطه دي .. يا راجل ده وزير مصري”.

ووجه “خيرى” حديثه لـ زيزو قائلا :” يا راجل ده وزير مصر .. لما يكلمك الوزير تقوم تقف .. وزير الرياضة بيهنيك ويقولك مبروك تسيبه وتقعد”.

وأكمل ” أنتوا بتلعبوا كرة.. ايه القرننه دي !! سايب الوزير واقف وانت قاعد! أنتوا بتلعبوا كورة منفوخة بتجروا وراها أحنا بنحبها بس، وأنت ممكن تكون بتأخذ ملايين وأنت بلا قيمة، وعمر الملايين ماكانت معيار للأخلاق”.

شاهد: