وجه السويسري مارسيل كولر المدير الفني للفريق لكرة القدم بالنادي الأهلي ، رسالة قوية بشأن غضب بعض اللاعبين من عدم المشاركة تزامنا مع أزمته مع محمود كهربا .
وقال كولر في تصريحات خلال المؤتمر الصحفي عقب الداخلية : أنا اللي مع اللاعيبة كل يوم وبشوف حالتهم .
وواصل : أنا ليه أدي فرصة للاعب مش بيعمل كل حاجه في التمرين ،وأنا مبتكلمش على حد معين .
وشدد : اي لاعب مبيلعبش لازم يبين ليا أنه عاوز يلعب واللاعب هنا في مصر عنده اقتناع انه لازم يلعب 90 دقيقة مهما كانت حالته .. ومفيش حد هياخد فرص مشاركة علشان الناس بتحبه.
وزاد : انا المدرب وانا اللي بشوف كل اللاعيبة في التمرين ، لما اشوف لاعب بيكسل ف التمرين ومبيعملش حاجة وواحد تاني بيتمرن كويس وبيعمل كل حاجة.
واستمر : هل ادي للي مبيعملش حاجة فرصة ليه هل دا منطقي، للاسف في مصر اللاعيبة فاكره انها سواء اتمرنت كويس او لا عايزه تلعب وتلعب 90 دقيقة ومتطلعش من الملعب.
وأتم : هتتمرن كويس هتاخد فرصه مش هتتمرن كويس زميلك اللي بيتمرن احسن منك هياخد فرصه، انت مش هتلعب عشان خاطر اسمك او عشان الناس بتحبك.
شاهد الفيديو
