بعد بيان الأهلي .. عبد الجواد يعدد خسائر بيراميدز من قرار رفع أسعار تذاكر مباراة الفريقين – فيديو
علق الإعلامي إبراهيم عبد الجواد على أزمة أسعار تذاكر مباراة بيراميدز والأهلي في بطولة الدوري، مشيرًا إلي أن السر خلف قرار إدارة بيراميدز هو الرد على ما فعله الأهلي في مواجهة الفريقين السابقة في بطولة الدوري.
ومن المقرر أن يلتقي بيراميدز مع الأهلي مساء يوم الإثنين المقبل 22 يوليو الجاري، في إطار منافسات الجولة 31 من مسابقة الدوري، حيث جاءت أسعار تذاكر المباراة كالتالي: ” درجة ثالثة يمين – 200 جنيه، درجة أولى يمين – 2000 جنيه، المقصورة الرئيسية – 5000 جنيه”.
وقال ” إبراهيم” :” اتقال إن بيراميدز رفع سعر تذاكر المباراة عشان التسويق ومش هنضحك على بعض تسويق ايه اللي افتكره بيراميدز في مباراة الأهلي والتسويق ده عشان مليون و 500 ألف جنية بيراميدز بيصرف قدهم مرتين في معسكر الفريق للمباراة فلازم الموضوع يبقى ميبقاش مبررات ساذجة مع الناس”.
وأضاف” عبد الجواد” خلال تقديمه حلقة جديدة من برنامج ” الهدف” على قناة “أون تايم سبورتس 2 ” :” من حق بيراميدز إنه يحدد أسعار تذاكر المباراة ويحط الأرقام اللي عايزها، وفي الكورة عادي إنك تغلس على المنافس بتاعك لكن انت خبطت في حتة صعب حد يروح ليها وهي الجماهير”.
وتابع :” بيراميدز قال عملنا كده وزودنا سعر التذاكر عشان الأهلي عمل كده في الماتش بتاعه ورفع الدرجة الأولي كانت بـ 150 رفعها لـ 400 والمقصورة كانت بـ 300 رفعها لـ 750 جنية، وده اللي قولته لو عايز ترفع خليها بالمعقول وبلاش تزو في التالتة دي بتاعت البسيط محدش بيجي جانبها”.
وأكمل :” الأهلي زود عليك شويه وقولت تزود حبتين مش تزودها 5 حبات مينفعش تزود 10 اضعاف فدي لعبه اتعملت وممارسه اداريه اتعملت كان المقصود اغلس واصعب الدنيا”.
وأكد ” عبد الجواد” :” بيراميدز حقهم يحددوا سعر التذاكر لكن كابتن بيبو اتلقف الحركه دي وحطها في المقص وقالك انا هتحمل ثمن الدرجة التالته كامل ولك خبر حلو التالثة هتبقى بـ 50 واي حد دفع حق التذاكر انا هدفعها لكم”.
وأختتم ” عبد الجواد” بتوجيه رسالة إلي مسؤولي بيراميدز قائلا :” انت بممارستك يا بيراميدز أعطيت للأهلي كره متصلحه في المقص وترابط اكبر بين الأهلي والجمهور واصبح هناك تحفز ضدك اكثر ما هم متحفزين عشان يفوزوا بالدوري”.
وكان الأهلي أعلن في وقت سابق اليوم تحمل قيمة تذاكر مباراة الفريق أمام بيراميدز، والمقرر لها يوم الإثنين المقبل في الدوري، بعدما رفع نادي بيراميدز أسعار التذاكر.
شاهد:
