بعد تصريحات كولر.. رئيس هيئة ستاد القاهرة يوضح كواليس أزمة مباراة الأهلي وبيراميدز!!- فيديو

كشف وليد عبد الوهاب، رئيس هيئة ستاد القاهرة الدولي، حقيقة تصريحاته عن عدم إستضافة مباراة الأهلي وبيراميدز يوم الجمعة، بعد شكوى مارسيل كولر المدير الفني للأحمر من أرضية الملعب والهجوم عليهم.

وقال عبد الوهاب خلال مدلخلة هاتفية ببرنامج “اللعيب”عبر قناة “mbc مصر”:” عملت مداخله امس للتوضيح واكدت تصريحات كولر بشأن ستاد القاهرة، ومستغرب انه ليه متكلمش كالمعتاد وبعتلي كابتن خالد بيبو لوفي اي ملاحظات”.

وتابع: “انا قلت اننا مأجلين جواب للرابطه من يوم 28 يونيو بغلق ستاد من الجمعه 26 يوليو للصيانه وليس 12 يوليو يوم مباراة الأهلي وبيراميدز”.

واشار عبد الوهاب:” الاستاذ محمد الليثي بيسألني هيحصل ايه لو الاستاد اغلق، قلت اكيد هيشوفوا ستادات اخرى مقولتش الاهلي يدور له على ستاد ثاني لمباراة بيراميدز”.

وواصل:” وفوجئت انهم قالوا ان انا قلت مباراة الاهلي وبيراميدز لن تقام على ستاد القاهرة وبعدها قالوا ان نفيت وتراجعت وهتقام، هو الاستاد ده بتاع وليد عبدالوهاب؟ انا مستاء فعلا من تصريحات كولر، ولكن المباراة الجمعه هقول مش هلعب النهارده؟ “.

وأكد:” احنا لارفضنا ولا رجعنا تماما، لوحد جاب لي التصريح ده على لساني مع اي صحفي انا موجود مش هاروح لبعيد”.

وأختتم: “صيانة الاستاد بتتكلف 3 مليون ونصف انا مش عاوز اكسب لكن عاوز اجيب التكلفه الفعليه للاستاد، مش هجيب التكلفه دي لو لعب الزمالك والاهلي بس، فلازم يبقى عندي3 او4 فرق علشان اغطي التكلفة”.

شاهد: