دافع الإعلامي سيف زاهر،عن أحمد مصطفى “زيزو”،لاعب الزمالك والمتواجد حاليا مع منتخب مصر الأوليمبي للمشاركة في أوليمبياد باريس2024، بعد هجوم خيري رمضان عليه.
وكان الإعلامي خيري رمضان قد هاجم زيزو قائلا:” وزير الشباب والرياضة الدكتور أشرف صبحي راح امبارح لمقر بعثة منتخب كره القدم علشان يهنيهم بالفوز على اوزبكستان، دخل غرف خلع الملابس وبيسلم على اللعيبه كلها وفي لقطه زيزو لقاه قاعد مش عايز يقوم، قاله قوم انا مصري وانت مصري وراح واخده بالحضن”.
وتابع: اتفرجوا على المشهد ده، تصدقوا أنا عامل الفيلم ده علشان اللقطه دي. يا راجل ده وزير مصر، لما يكلمك الوزير تقوم تقف، وزير الرياضة بيهنيك ويقولك مبروك تسيبه وتقعد، أنتوا بتلعبوا كرة، ايه القرننه دي !! سايب الوزير واقف وانت قاعد”.
وقال زاهر خلال تصريحات تليفزيونية ببرنامج “ملعب أون تايم”، عبر قناة “أون تايم سبورتس”‘” الناس وقفوا عند لقطة جلوس زيزو وقت دخول وزير الرياضة في غرف خلع الملابس لتهنئة اللاعبين بعد الفوز على اوزبكستان”.
واضاف: “الدكتور اشرف صبحي لما قرر يدخل اوضة اللبس هو دخل بصيغة الاب بصفة مختلفه عن كونه وزير، يواسي لاعب او اخر مهمد او مضايق، انا مش قاعد علشان متعالي”.
وأختتم:” لا الوزير بيدخل كأب على ابنه وهو حزين، بيطبطب عليه ويقوله فوق مفيش موضوع، انا شايف انك متضايق ويفوقك، مفيهاش بروتوكول، بيفوق اللاعب هي دي القصه”.
