بعد وفاة أحمد رفعت.. مروة عبد الملك تعتذر لشيكابالا عن إسائتها له.. وتوجه رساله إلى الجماهير – صورة
حرصت مروة عيد عبد الملك، لاعب منتخب مصر وفريق اونيس الفرنسي لكرة اليد، على توجيه إعتذار لقائد الزمالك محمود عبدالرازق “شيكابالا”، بسبب إسائتها له والتنمر عليه بسبب إنتمائها للأهلي، ووجهت رسالة للجماهير، وذلك بعد وفاة أحمد رفعت نجم مودرن فيوتشر.
وكتبت مروة عبد الملك عبر حسابها الشخصي بموقع التواصل الإجتماعي” فيسبوك”: “فكرة القهر وأنك بكلمة ممكن تأذى البنى ادم اللى قدامك وتكسر قلبه ده ذنب كبير قوى هيفضل فى رقبتك العمر كله ودى حاجه صعبه قوى بصراحه وعشان كده انا قررت انى عمرى ما هجيب سيرة اى لاعب تانى مهما كان الحدث عشان دى فى الأخر كوره في منظومة اصلاً حرام انك تشيل ذنب فيها والله ولو بكلمه واحده على سبيل الهزار”.
وتابعت:” وعشان اكون بريئه من ده قصاد ربنا ومكنش سبب فى أذية حد ولو نفسياً بكلمه كانت على سبيل الهزار مش اكتر وربنا وحده يعلم فحقك عليا يا عم شيكابالا، انا مقصدش والله سواء انت او اى لاعب تانى “.
وشددت عبد الملك:” ربنا وحده اللى عالم بنوايا الانسان مهما كانت ردود الفعل او التعليقات ف كده كده انا مش فارقه معايا انا مش حمل ذنوب ببلاش كفايا الذنوب اللى احنا بنعملها وربنا يهدينا ويغفرلنا جميعاً “.
وأكملت:” الفترةاللى فاتت علمتنى حاجات كتير قوى أهمها انك ماتدخلش خناقات مع حد ولا عشان حد عشان ف الأخر محدش هينفعك صحتك وأهلك وحبايبك اهم بكتير من اى خناقات وكلام مالهوش لازمه بص حواليك كده وهتعرف انها ماشيه بالحب والمحسوبيه والتطبيل ولو معملتش كده مش هتاخد حقك وهيجيبوا ناس تانيه أقل منك كفاءة بس أعلى منك ف التطبيل والمحسوبيه والمصالح “.
واشارت عبد الملك:” وانا قررت انى ابعد عن كل ده واعيش حياتى فى هدوء وأتبسطت مع حبايبى وصحابى وبس ، ربنا يهدينا ويهديكم جميعاً ويغفرل ل احمد رفعت ويرحمه”.
وأختتمت: “نصيحه لوجه الله وعن تجربه كبر دماغك مش هيجيلك غير وجع القلب وف الاخر لو انت الناس دى مش بتحبك وانت مش بتطبل بضمير وتديهم وضعهم مش هتاخد حقك ابداً وهتفضل مكروه ومنبوذ وهيعيشوا خايفين منك عشان انت انضف واحسن منهم بكتير ، عيش حيّاتك وأتبسطت مع حبايبك وسيبها على الله مش مستاهله والله خالص ربنا وحده شاهد على كل كلمه قولتها انها من قلبى “.
