علق سيد عبد الحفيظ،مدير الكرة السابق بالأهلي، على ازمة وفاة الراحل أحمد رفعت لاعب مودرن سبورت.
وقال عبد الحفيظ، خلال تصريحات تليفزيونية ببرنامج” اللعيب” عبر قناة “mbc مصر”:*أحمد رفعت مصيره عند ربه وارحم مننا كلنا عليه، هو رجع للحياه بحكمة ربنا وفي رسايل مهمه جدا، والوسط الرياضي كلنا اخوات، هو يمسني لانه واحد من الوسط”
وتابع: “محتاجين نعرف الاجوبه علي الاسئله المباشرة والمتغطيه ممكن مفيش عندنا معلومه كامله لكن في امور في التعامل الاداري بيكون واضح”.
وشدد عبد الحفيظ:” مقدرش اتهم واحد بعينه في أزمة وفاة أحمد رفعت، لكن عاوزين نعرف مين كسر قلب اللاعب ده، هو كده كده كان هيموت لان ده ميعاده”.
وأردف:” اللعيبه مش عبيد وكن فيكون، اللاعب بيسلم لي نفسه ولوقلت له متروحش مش بيروح “.
واشار عبد الحفيظ:” المتظومة الرياضيه كلها مستنين نعرف مين كسر قلب ونفس الولد ده، ومش بنتهم حد”.
وأختتم: “انا كنت مدير كرة مقدرش اطلع تصريح مرتين ده قانون وفي منظومة، وطلعوا التصريح ازاي؟ وكان عندي لاعبين مجندين وفي قانون وبتلزم به، و الموضوع ده مفيش فيه لا زمالك ولا اهلي ولا اتحاد ولا اي نادي”.
شاهد:
