علق محمد طارق، عضو مجلس إدارة الزمالك، على تصريحات سيد عبد الحفيظ، مدير الكرة السابق بالأهلي، بشأن قوة ناديه.
وقال طارق، خلال مداخله هاتفية ببرنامج “الكورة مع فايق” عبر قناة “mbc مصر2″:” الزمالك اكتسب شعبيته من جمهوره وهم عندهم حق في موقفهم الاخير، وكانوا داعمين الادارة وعاوزين يحسوا ان في مواقف بتتاخد لصالح النادي وتشوفه قوي وجامد”.
وتابع:” ظهر كابتن سيد عبدالحفيظ من فترة قال جمله مهمه قال انا جامد، هو عنده حق فالاهلي جامد”.
وأردف: “الجمهور كان عاوز يشوف ناديه جامد علشان انت هتكون جامد في الحق، اعتقد محدش انتقد تصرف الزمالك وكان في اراء ان التوقيت مكنش مناسب”.
وشدد طارق:” الزمالك اتكلم علشان كل الانديه، وكلهم عندهم نفس المشاكل، فكلمة الزمالك اقوي لجماهيريته ولمكانته، والزمالك حرك المياه الراكدة، والانديه حسوا ان من حقهم يتكلموا واكيد محدش راضي”.
وواصل: “الأهلي كان مصلحته أن الزمالك ميلعبشي مباراة القمة ومش العكس تماما، الأهلي اشتغل علشان المباراة دي متتلعبشي علشان يستفيد بالنقاط بدون ما يلعب أو إرهاق أو اي حاجه”.
وأشارطارق:” مسؤولين الأهلي شطار في تعاملهم مع أزمة مباراة القمة واحترمهم عليها، الأهلي كان طرف في مباراة القمة ومن الذكاء أنهم نفذوا اللي عايزينه بدون ما يظهروا في الصوره”.
شاهد:
محمد طارق عضو مجلس إدارة نادي الزمالك : سيد عبد الحفيظ كان عنده حق لما قال النادي الأهلي ( جامد )
يعرض الآن مجاناً على شاهدhttps://t.co/bJvqEFWvoc #الكورة_مع_فايق#MBCMASR2 pic.twitter.com/47CsTC4VzJ
— الكورة مع فايق (@ElKoraMa3Fayek) July 2, 2024
