انفجر بركان غضب أحمد زاهر, المدير الإداري لفريق بيراميدز، مُزلزلاً أرجاء الكرة المصرية، وذلك إثر سلسلة من المؤامرات المُحاكة ضد ناديه، والتي تهدف إلى تسهيل حصول الأهلي على لقب الدوري هذا الموسم.
فقد هاجم زاهر في منشورٍ ناري عبر صفحته على فيسبوك، ما اعتبره استهدافًا ممنهجًا لفريقه، مُستنكرًا سلسلة من القرارات المُجحفة التي طالت لاعبيه، قائلاً: “والله أبطال إن إحنا بنافس!”.
وكتب أحمد زاهر عبر صفحته بموقع “فيس بوك”: “والله أبطال إن إحنا بنافس..العب من غير الشيبى ده موقوف.. حاضر، العب من غير رمضان صبحى وهو فى أعلى فورمه وكان رايح منتخب بحجة منشطات وهمية.. حاضر”.
وأضاف: “إبراهيم عادل واحد من أحسن اللاعيبة في مصر هيلعب معاك وبعدها يسافر.. لا معلش ده مصاب يوم ١٢ ويلعب مع المنتخب ١٤ سبحان الله مع إن حقى إنه ميروحش خالص.. بس برضه حاضر”.
واستكمل: “أكتر حاجة مضحكانى فى موضوع إبراهيم عادل تصريحات عضو مجلس الجبلاية إن اتفاق لعب إبراهيم عادل اللى هو حقى أصلا وممكن ما يسافرش عادي بقرار مني كان بعلم المنافس طب هو ماله بالموضوع أصلا”.
واستمر: “إعادة شوط سموحة مع إن اللائحة واضحة وبتقول المباراة تحتسب لبيراميدز.. بس برضه تاني حاضر، أول فريق يلعب بعد التوقف الدولى بيومين مع إن عنده نص الفريق مع المنتخبات في مخالفة صريحة للائحة.. حاضر”.
وتابع: “انت لازم تلعب الساعة ٤ وبعدها ٥ ونص في عز الحر مع إني بنافس، بس المنافس يلعب عادي بالليل.. حاضر، معلش أصل حكم مباراة المقاولون المفروض ميحكمش كارت معاهم لوقت اللزوم نطلعه”.
وأتم: “ظلم واضح من حكام مباراتين الدوري.. ويقولك الدورى ذهب لمن يستحق! ناس في الرابطة واتحاد الكرة طلعوا يهاجموا النادي لمجرد إنه بيدور على حقوقه وتقولي منافسة … إحنا أبطال والله”.
