أكد أحمد حسام “ميدو”، أن مستوى يوسف إبراهيم أوباما، لاعب الفريق لكرة القدم بالفارس الأبيض، متذبذب وأن أمر التجديد له شائك، ووجه له رسالة.
وقال ميدو خلال تصريحات صحفية:” أوباما لاعب جيد وهو في حالته مفيد للزمالك، التجديد له موضوع شائك”.
واضاف:”علشان تبقى لاعب في الزمالك لسنوات طويلة، لازم يبقى عندك استمرارية وثبات في المستوى، للأسف أوباما زيه زي لعيبه كثيرة يلعب ماتشين كويس وأربعة لأ، وده مش نوعية لاعب زمالك واهلي”.
وشدد ميدو: “اللعيبه في الزمالك و الأهلي، المفروض مستواهم ثابت، زي زيزو وعمر جابر وحمزة المثلوثي، كل 10 مباريات ممكن مباراة يكون مستواك سيئا فيها، هذه مواصفات اللاعب الذي يلعب في الأندية الكبيرة”.
وأختتم:” لازم أوباما يراجع نفسه، أنا سعيد بإحرازه هدفين أمام الداخلية، وأتمنى أن تكون مباراة الأمس نقطة تحول، لأن أوباما ابننا وكلنا عايزينه يبقى موجود، بس عايزينه يبقى موجود وهو في حالته لأنه هو مش في حالته يمثل ضغطا على الزمالك وعليه”.
