اعترف اياد العسقلاني مدافع الإسماعيلي السابق وروستوف الروسي بوجود مفاوضات من الأهلي مع وكيله احمد يحيي من أجل التعاقد معه.
وقال اياد العسقلاني في تصريحات لبرنامج ملعب اون تايم المذاع عبر شاشة قناة اون تايم سبورتس الفضائية تقديم الإعلامي سيف زاهر : بدأنا الإعداد في 18 يونيو ، في أول يوليو جالي إصابة وبتعالج منها.
وأشار : مبسوط في الدوري الروسي ، الليفل مختلف، رحلت عن الإسماعيلي بمليون و50 الف دولار ، وفي شرط جزائي ان مرجعش مصر خلال سنتين
وأكد : في أندية كتير بتتفاوض معايا ، انا سمعت عن عرض الأهلي ووكيلي قالي عليه ، وأولوياتي الاحتراف حاليا.
وشدد : نادي روستوف حاطط شرط جزائي مبلغ 7 مليون يورو علشان ارحل.
وزاد : اياد العسقلاني : الدنيا كانت صعبة معايا جدا ، واتعرضت للظلم من مدربين بحجة ان معنديش خبرة ، كل الفضل لايهاب جلال هو اللي طلعني.
وتابع : قبل كدا كانوا بيقولوا ليا انت لسه صغير ، ايه المشكلة ؟ ما لامين يامال صغير وشايل منتخب أسبانيا.
وأتم :كنا بنلعب في كأس مصر قدام فرقة درجة تالته ، ونائب رئيس النادي جالي قبل الماتش قالي هتلعب ، اتفاجئت بعدها أن ملعبتش ومفيش من اللعيبة الصغيرة لعب ، كان كابتن حمزة الجمل هو اللى ماسك وقتها.
شاهد الفيديو
