أكد محمود فتح الله، لاعب الزمالك السابق، أن البرتغالي جوزيه جوميز المدير الفني للفارس الأبيض، مدرب جيد ويجب أن يستمر مع الفريق بعد تحقيق المطلوب ﻤنه.
وقال فتح الله خلال تصريحات تليفزيونية ببرنامج “اللعيب” عبر قناة “mbc مصر”:” جوميز مدرب شاطر، ويحسب له انه يطلع بمكاسب غير الفوز وبيقيم اللعيبه والناشئين، اللي يحسب عليه ان لازم الامور تبقى محسومه ويعطي راحة للاعبين الاساسين لمدة اسبوعين مش 5 ايام”.
وأضاف ردا على سؤال رأيك في ترشيح مومن سليمان للزمالك؟، هو مدرب محترم اي اسم من ولاد النادي يطرح هندعمه ولكن المدرب الموجود شاطر وكويس”.
وتابع فتح الله: “انا لو مسئول في الزمالك هيقيم الظروف اللي بيعمل فيها جوميز، هل الظروف واحده بين الزمالك والأهلي ربيراميدز، بالتأكيد لا”.
وأشار:” انا جبت جوميز في ظروف صعبه ومفيش قيد وقائمه ناقصه قعدت معه وطلبت الكونفدراليه وحصل عليها، قرار الانسحاب من ماتش الأهلي هل كان قراره؟ لا كان قرار الادارة علشان لما اجي احاسبه يكون في عدل، طلبت منه حاجه وهي الكونفدرالية واخدها في ظل امكانيات صعبه، وفي الدوري بعد الانسحاب من ماتش الاهلي بعد عن المنافسه يبقى انت بتحاسبه على ايه”.
وشدد فتح الله: “انا عاوز الزمالك يكون احسن حاجه، والموسم بيضيع لازم افكر بالعقل، ولازم تقييم المدرب بشكل صحيح، شغلك كويس ومع ذلك خسرت الدوري يبقى هدعمك، ولو قيمت الموجود غلط هتقيم اللي جاي غلط، اللي اطلب من جوميز عمله”.
