وجه سيد عبد الحفيظ مدير الكرة السابق بالأهلي، رسالة نارية إلى الهارب محمود كهربا لاعب الأحمر، بسبب أزمته مع السويسري مارسيل كولر المدير الفني للفريق.
وقال عبد الحفيظ في تصريحات تليفزيونية ببرنامج اللعيب عبر قناة mbc مصر: “مينفعش من أي لاعب إن يكون له خلاف مع المدرب مهما كان اسمه ومكانته ومهما كان هو مين ده مبدأ ثابت”.
واشار:” عندما يتم اتخاذ عقوبة فأنت بتعاقب اللاعب المخطئ فقط وليس الفريق كله، وكل الأندية في العالم بيحصل فيها اختلاف في وجهات النظر مثل محمد صلاح في ليفربول”.
واضاف عبد الحفيظ: “لكن لو جينا للسيناريو من الأول سنجد أن كولر هو من أعطى كهربا فرصة المشاركة وجابه من على الدكة بعد غياب لمدة 6 شهور بسبب الإيقاف”.
وشدد:” المدربين بيبقى ليهم حسابات خاصة في وقت من الأوقات، وكلها مدارس مثل تأخير المدرب بالتغييرات في المباراة، ولكن المبدأ نفسه مينفعش يبقى فيه بيني وبين المدرب خلاف مهما كان”.
وأردف عبد الحفيظ: “كهربا أخطأ ومينفعش اللي عمله، مينفعش أسيب الملعب وأمشي، ومفيش حاجه اسمها كده ومفيش حاجه اسمها زهقت، مهما كنت أنت مين، حتى لو أنت أسطورة”.
وأختتم:” كهربا زي أخويا الصغير وبحبه على المستوى الشخصى وبينا مواقف كثيرة، لكن مينفعش اللي أنت عملته، وتسيب الملعب وتمشي مفيش في الكورة كده”.
شاهد:
