ابدي سامي الشيشيني، اندهاشة من تصريح البرتغالي جوزيه جوميز المدير الفني للفريق لكرة القدم بنادي الزمالك ، عن احتمالية عدم التعاقد مع صفقات جديدة او التعاقد مع لاعب او اثنين .
وقال سامي الشيشيني في تصريحات لبرنامج ملعب اون تايم المذاع عبر شاشة قناة اون تايم سبورتس الفضائية تقديم الإعلامي سيف زاهر : الزمالك محتاج صفقات جديدة محتاج باك يمين وشمال ومساكين وفي نص الملعب.
وزاد : مع إحترامي لعبدالله السعيد لكن مش ديفندر شرس هو مهاري.
وأشار : مين هيلعب مكان مصطفي شلبي لو اتصاب ؟انت محتاج فرقة تقيلة علشان تنافس على الالقاب.
وتابع : النادي الأهلي هو معندوش فروق بين الاحتياطي والاساسي ودي الفرق الكبيرة اللى بتنافس على البطولات ، إحنا معندناش دكة أساسا.
وشدد : الزمالك محتاج مش أقل من 8 صفقات وممكن توصل ل10، احمد مجدي المساك عاجبني ، وعمار عاجبني بس اتوظف غلط هو فرود مش طرف.
وأتم : انت جبت سيف فاروق جعفر من بيراميدز ليه ؟ وفين سيد نيمار ، انت اعتمدت علر لعيبة صغيرة وركنت دول ودي ناس كانت شغاله معاك.
شاهد الفيديو
