أكد الإعلامي احمد شوبير ، انه يطالب بالتحقيق فى واقعة وفاة احمد رفعت من أجل محاسبة المخطأ ، ولكن يرفض اتهام الناس بالباطل .
وقال شوبير فى برنامجه عبر إذاعة أون سبورت إف إم، “زرت أحمد رفعت فى المستشفى عقب سقوطه فى الملعب برفقة ابنى مصطفى شوبير، وكان فى نفس وقت زيارة الوزير، وكانت هناك حالة غضب عارمة لانتشار صورته وتحدثت مع والدته وأبلغتها بأن الصورة هدفها طمأنة الناس على لاعبهم المحبوب”.
وأضاف شوبير، “أحمد رفعت لو ليه حق لازم ياخده وبطالب بفتح تحقيق والغلطان يتحاكم ويتحبس بس بلاش تهم بالباطل”.
وتابع شوبير، “لدى اقتراح بخصم 5% من راتب كل لاعب بالأندية الثلاثة الكبيرة تخصص لأسرة أحمد رفعت، كلنا طلعنا من أسر بسيطة ووقفنا جنب ناسنا ورفعت كان شايل أسرته ولازم نقف معاهم فى مصابهم الجلل، رفعت خلاص راح ومش راجع يبقى ندور على أي حاجة نعملها”.
واستكمل شوبير، “لازم نلغى ماتشات الرابعة عصراً عشان منخسرش لاعب جديد، ولازم نعمل لجنة طبية، قلبنا موجوع على فراق أحمد رفعت ومش هنستحمل نخسر لاعب جديد”.
شاهد الفيديو
