عبد الحليم علي يفتح النار على لاعبي الزمالك وجوميز بعد التعادل أمام فاركو.. وطلب عاجل للإدارة!!

فتح عبد الحليم علي، نجم الزمالك السابق، النار على لاعبي الفريق، والبرتغالي جوزيه جوميز المدير الفني للابيض، بعد التعادل أمام فاركو في الدوري.

وقال علي خلال تصريحات تليفزيونية عبر قناة “الزمالك”:” كان في اشياء كثيرة غلط خلال مباراة اليوم، والزمالك بقيمته وتاريخه لايقف علي غياب لاعب او اصابات، جماهير الزمالك متعوده على الفوز”.

وتابع:’احنا من فتره طويله بنكسب ماتش ونتعادل ونخسر بعده، مش عجبني وضع الزمالك في الدوري، مش الزمالك اللي يلعب ماتش ويتعادل ويخسر”.

واردف علي: “الاداء في امور كثيرة غلط، ومصمم بتلعب على الاطراف رغم القلة العدديه داخل الـ18 هو انت اتفرجت على ماتشات فاركو؟،ده احنا عارفين طريقة لعبهم، لو كنت شوفت ماتشات لهم كنت عرفت بيلعبوا ازاي”.

واضاف: مفيش دافع عند اللعيبه، وخارجين بيسلموا على بعض، لايا كباتن انتم بتلعبوا في الزمالك، مش هتقتلوا طموحاتنا، احنا الزمالك ومتحسسنيش انه عادي، احنا ولاجماهيرنا بنرضى بكده، هو ماتش اعتزال؟”.

وشدد علي:” مفيش حاجه مقنعه، هو انتم مش بتشوفوا الجدول قبل ماتنزلوا الملعب، خلي اللعيبه تشوف ترتيب الزمالك في الجدول، غيروا من فكركم احنا منرضاش باللي بيحصل ولا جماهيرنا “.

وواصل:” نقول كل ماتش اللي بعده الامور هتتحسن، نهاية الدوري هتبقى سيئه جدا في تاريخك، رغم ان كل حاجه مترفره لك المسانده من جماهيرك وادارتك بتوفرلك مستحقاتك، وانت مفيش نتاج راجعوا نفسكم”.

وأختتم: “لازم الادارة تقعد مع الجهاز ويعرفوا جوميز سمات الزمالك انه المكسب، انت في نادي كبير، ايه المنظر ده واللعيبه خارجه بتسلم عليها، كنا بنعيط واحنا خسرانين ومتعادلين، لايليق بالزمالك الترتيب، واللعيبه يتخصم منها انت بتجيد اديك عنيه انما تقصر في لائحه انما تكون الـ9 في الدوري”.