أكد عصام عبدالفتاح الحكم الدولي السابق ، ان رئيس لجنة الحكام السابق الانجليزي كلاتنبرج ، حاول تعديل خطوط الفار لصالح الأهلي امام الحكام في احدي الاجتماعات ، ولكنه واجه احراج شديد ، بعد كشف ألاعيبه من جانب خبراء وحاضرين الفار في اللجنة ، لينفعل.
وقال عصام عبدالفتاح في تصريحات لبرنامج ملعب اون تايم المذاع عبر شاشة قناة اون تايم سبورتس الفضائية تقديم الإعلامي سيف زاهر : كنت بتكلم على محمود عاشور والقهر النفسي اللي اتعرض له في مباراة للأهلي قدام فاركو ، مش بتكلم على الأهلي نفسه.
وواصل : اتكلمنا على القهر اللي اتعرض له احمد رفعت قبل وفاته، نفس القصة محمود عاشور تعرض لظلم وقهر بعد مباراة الأهلي وفاركو.
وشدد : الأهلي نزل بيان يهاجم فيه الحكام في فترة ورديت عليه ، الأهلي في الفترة دي خد الدوري 6 سنين والزمالك سنة ، هل التحكيم كان حلو في السنين دي ووحش في سنة الزمالك ؟
وأكد : فعلا مباراة فاركو كانت في عهدي قبل ما يجي على طول كلاتنبرج ، كلمني قبل ما يجي على طول قالي فيه حالة عندكم الخطوط فيها مرسومة غلط ، قلتله لما تيجي نكلم رغم إني مختلف معاك، هو قاصده على هدف الملغي قدام فاركو.
وشدد : الاتحاد السعودي بلغ الإتحاد المصري بخطورة التعاقد مع كلاتنبرج.
واستمر : كلاتنبرج قعد مع الحكام وعرض عليهم الحالة بتاع الأهلي وفاركو وقال الخطوط غلط.
واستطرد : رد عليه محاضرين الفار ، حاول يجيب الخط من عند مدافع فاركو علشان يطلع الكرة هدف ، المحاضرين احرجوه وغلطوه فقفل اللاب توب.
وقال : كلاتنبرج قال ميعرفنيش ؟ كذاب ، يابني انا رحت كأس العالم وانت لا ، انت مش من مستوايا.
وزاد : الأهلي نزل ببان هاجم الحكام ، قلتلهم نرد ببيان بإسم اتحاد الكرة قالوا لا البيان يطلع من لجنة الحكام.
وأتم : لازم اتحاد الكرة يبقي قوي ويبقي اقوي من الأندية، محمود عاشور تعرض لظلم وقهر لمدة 8 شهور.
شاهد الفيديو
