عمل بلوك ! مسؤول الوحدة الإماراتي يكشف كواليس معاناة احمد رفعت بعد انفجار أزمته !! – فيديو

أكد خالد الهنائي العضو المنتدب السابق بنادي الوحدة الإماراتي ، ان احمد دياب هو من تسبب في أزمة أحمد رفعت بعدما قام بعمل أوراق غير صحيحة من أجل سفر اللاعب.

وقال خالد الهنائي في تصريحات لبرنامج البريمو عبر شاشة قناة TEN الفضائية تقديم الإعلامي محمد فاروق : كلمني في يوم احمد رفعت وقالي عاوز اكلمك ، انا عندي مشكلة في الجيش والوحدة بتاعتي بتكلمني وبتقولي ليك ضبط واحضار في الشرطة العسكرية.

واستمر : قلتله إزاي ؟ والتصريح اللي طالع ليك ، قالي مفيش تصريح ، جبنا الرسالة اللى طالعه من فيوتشر لوزارة الشباب والرياضة ، وطلعت انها فترة معايشة ، لكن العقد الموقع من وليد دعبس غير كدا.

وشدد : الاخ وليد دعبس مكانش له وجود لكن كان موقع على العقد ، كل الكلام والاتفاقيات كانت مع احمد دياب.

وزاد : حديث نو كومنت عن سبب رحيل رفعت عن الوحدة يثير الشكوك ، مينفعش يتقال.

وأكد : اللاعب كان متألق معانا لكن كان فيه إتصالات يوميا ، حتي احنا جبنا وكيله الإمارات 3 مرات ، وقاله ياحبيبي حاول تهدي واستمتع وانت بتلعب ، احنا نادي عاوزين مصلحتنا مع اللاعب.

واستطرد : نادر شوقي كان تايه ، وأحمد دياب مكانش بيرد وعملي بلوك ، اللاعب كان قلقان ، اللاعب دخل في ضغوطات نفسيه لان كل يوم مكالمة من مصر يتقال له انت عليك حبس.

واستمر : في الإنتقالات الشتوية قررنا إنهاء التعاقد لان اللاعب مكانش مركز معانا خالص ، وأحمد رفعت كان عنده تخوف يرجع مصر ، بدليل إنه قعد شهر ونص في الإمارات بعد فسخ العقد.

وشدد: سألت احمد دياب انت طلعته معايشة إزاي ؟ قالي احنا كدا الوضع السائد معايشة وبتتجدد ،احمد دياب دايما كان يقولك الموضوع عندي وانا اللى هخلصه ومستعد أواجهه.

شاهد الفيديو