حرصت فريدة الشرقاوي صفقة يد الزمالك الجديدة على توجيه الشكر للنادي الأهلي ، على الوقوف بجانبها اثناء الإصابة .
وقالت فريدة الشرقاوي في تصريحات لبرنامج ملعب اون تايم المذاع عبر شاشة قناة اون تايم سبورتس الفضائية تقديم الإعلامي سيف زاهر : أنا مضيت في الزمالك.
وواصلت : مشيت من الأهلي ، وكنت ماضيه أربع سنين ، وأي لاعب في الأهلي بيمضي أربع سنين ودا كتير والاحتراف كان عندي اهم حاجه، جالي صليبي وخدت فترة طويلة أعمل تأهيل.
وأكدت : وسافرت قطر عملت تأهيل ، وبعدين رجعت لنادي الشمس لعبت سنة لما رجعت مضيت للشمس علشان بيعمل عقد بسنه واحده مش 4 زي الأهلي ، بعدها جالي عروض من برا ، لكن محصلش نصيب علشان كدا اتنقلت للزمالك نادي كبير وتجربة جديدة.
وزاد : انا عامله عمليات كتير ، النادي الأهلي قرر يسفرني يعالجني.
وتابعت : رجعت على الشمس لمدة سنة علشان الأهلي بيمضي 4 سنين ودول كانوا كتير عليا علشان كانت خطوتي الاهم الاحتراف.
وأتمت : مقدرش انسي أفضال الأهلي لانه عالجني من الألف للياء ، والاستقبال في الزمالك كان هايل وارتاحت نفسيا.
