” كان بيكره المجال”.. صالح جمعة يفجر مفاجأت صادمة عن أحمد رفعت بعد رحيله – فيديو
أكد صالح جمعة نجم النادي الأهلي السابق أن أحمد رفعت نجم نادي موردن فيوتشر الراحل كان يكره مجال كرة القدم بسبب غياب العدل.
وتوفي أحمد رفعت، بعد تدهور في حالته الصحية بشكل مفاجئ، إثر أزمة قلبية تعرض لها خلال مباراة فريقه أمام الاتحاد السكندري ببطولة الدوري المصري في شهر مارس الماضي.
وبسؤاله أكتر حاجة بتحبها؟، رد ” صالح” :” أحمد رفعت، وأكتر حاجة كرهتها كانت بخصوص أحمد برضو، لأنه كان بيكره المجال ده جدًا”.
وأضاف ” صالح” في في بودكاست من الجول للجول مع الإعلامية دينا الإدريسي:” أنا أكتر حاجة زعلتني إنه لما مات، مات في المجال إللي كان دايمًا بيتكلم معايا عنه إنه مش مبسوط فيه، وإن لو كان عنده خيار تاني كان اختاره”.
وتابع : ” أحمد كان بيحب الكرة، لكن مكنش عايز المجال، زمان سألته وقال لو أنا عندي شغل تاني كنت عملته، ومع مرور الوقت لما كنت بسأله هتعمل إيه بعد ما تبطل هل هتبقى مدرب ولا هتشتغل في الإدارة، قال لي أنا هبطل كرة من هنا ومش هيبقى ليا أي صلة بالمجال”.
وأوضح ” صالح”:” أحمد كان شايف إن المجال مفيش فيه عدل والناس بتكره بعض، هو كان ليه نظرة، أنا مصدقتش كلامه غير بعد كده”.
شاهد:
