كريم رمزي يفتح النار بعد فضيحة رفض الأهلي إرسال لاعبيه للمنتخب الأولمبي !! – فيديو

شن الإعلامي كريم رمزي هجوما قويا، بعد فضيحة رفض الأهلي إرسال لاعبيه للمنتخب الأولمبي من أجل المشاركة في أولمبياد باريس .

وقال الإعلامي كريم رمزي مقدم برنامج رقم 10 عبر شاشة القناة الأولى المصرية :احنا وصلنا للأزمة دي علشان كل شويه ماشين بالحب والفهلوه.

وواصل : سايب الدوري شغال لحد دلوقتي وفي مباريات وقت الأولمبياد ومش عامل حسابك في القصه دي.

وشدد:  بس انت شاطر تأجل لايه للانديه اللي بتدلع وعايزه تريح بين مبارياتها الإفريقية علشان عندها لاعب مصاب ولا مجهد والحجه أنهم بيلعبوا بإسم مصر وبنقعد ندعم ونسقف.

وزاد : تيجي على منتخب مصر بقى اول ولا أولمبي وتلاقي الدنيا اتقلبت.. حسام حسن يطلب يومين زياده يقولك شوف مفيش احترافيه،الأولمبي عايز لعيبه يقولك لا مش في الأجندة.

وأتم : هي فين الاحترافية طيب في المسابقات المحليه طالما هي بايظه بايظه متجيش على المنتخبات بتاعتك.

شاهد الفيديو